Viral Video: చెప్పినా వినకుండా వెళ్లాడు.. మధ్యలో చిక్కుకుపోయాడు.. ఆ తర్వాత ఏమైదంటే..

Updated: Wednesday, July 27, 2022, 23:01 [IST]

భారీ వర్షాలతో ఉస్మాన్ సాగర్, హిమాయత్ సాగర్ నిండిపోయాయి. దీంతో జలాశయాల గేట్లను ఎత్తి నీటిని కిందికి వదిలారు. మంగళవారం హిమాయత్ సాగర్ సర్వీస్ రోడ్డు వంతెన పై నుంచి వరద నీటిలో బైక్ పై వంతెన దాటడానికి ప్రయత్నించి నీటిలో చిక్కుకున్న ఓ వ్యక్తిని స్థానిక ట్రాఫిక్ పోలీసులు వెంటనే అతన్ని కాపాడారు.

4 గేట్లను 2 అడుగుల మేర..

ఇందుకు సంభందించిన వీడియో పోలీసులు ట్విట్టర్ లో పోస్ట్ చేశారు. ప్రస్తుతం ఈ వీడియో సోషల్ మీడియాలో వైరల్ అవుతుంది. జులై 26న హిమాయత్‌ సాగర్‌ జలాశయం 4 గేట్లను 2 అడుగుల మేర ఎత్తారు. దీంతో నీటి ఉధృతి అధికంగా ఉండటంతో టీఎస్‌పీఏ నుంచి రాజేంద్ర నగర్‌కు వెళ్లే సర్వీస్‌ రోడ్డుపై రాకపోకలు నిలిచిపోయాయి.

మధ్యలోకి వచ్చి ఆగిపోయాడు..

సాయంత్రం 4:45 గంటల సమయంలో ఒకరు బైక్‌పై కలీజ్ ఖాన్ దర్గా నుంచి శంషాబాద్ వైపు వెళ్లాడు. మధ్యలో హిమాయత్ సాగర్ సర్వీస్ రోడ్ వంతెనను బారికేడ్లు ఉన్నప్పటికీ దాటేందుకు ప్రయత్నించాడు. అయితే అప్పటికే వర్షపు నీరు వంతెనెపైకి భారీగా చేరిడంతో అతను మధ్యలోకి వచ్చి ఆగిపోయాడు. అతన్ని గమనించిన స్థానికులు వెంటనే పోలీసులకు సమాచారం ఇచ్చారు.

తాడు సహాయంతో..

రాజేంద్రనగర్ ట్రాఫిక్ పొలీస్ స్టేషన్లో విధులు నిర్వహిస్తున్న హెడ్ కానిస్టేబుల్ బేగ్ నేతృత్వంలోని రికవరీ వ్యాన్ బృందం వెంటనే వంతెన పైకి చేరుకుంది. వరద నీటిలో కొట్టుకుపోతుఉన్న బాధితుడికి తాడు అందించారు. అతడు తాడుని బైక్ కు కట్టి అదే తాడు సహాయంతో వ్యాన్ ఎక్కాడు. అతన్ని అతని బండిని పోలీసులు సురక్షితంగా రోడ్డుపైకి తీసుకొచ్చారు.