ఆస్తమా పేషెంట్లకు అలర్ట్.. చేప ప్రసాదం పంపిణీకి డేట్ ఫిక్స్ !

తెలంగాణలో మృగశిర కార్తె సందర్భంగా ఆస్తమా, ఇతర శ్వాసకోశ సమస్యలతో బాధ పడే వారి కోసం చేప మందు కార్యక్రమం ఏటా నిర్వహిస్తున్నారు. హైదరాబాద్ లోని నాంపల్లి ఎగ్జిబిషన్ గ్రౌండ్‌లో ఈ పంపిణీ కార్యక్రమం నిర్వహిస్తారు. బత్తిని కుటుంబ సభ్యులు గత 178 సంవత్సరాలుగా చేప ప్రసాదాన్ని ఉచితంగా అందిస్తున్నారు. ఆస్తమా, సహా ఇతర శ్వాసకోశ సమస్యల నుంచి ఉపశమనం కలిగిస్తుందని ప్రజలు నమ్ముతారు. అందుకే ఈ చేప ప్రసాదం కోసం కేవలం తెలుగు రాష్ట్రాల నుంచే కాకుండా పలు రాష్ట్రాల నుంచి పెద్ద ఎత్తున తరలివస్తుంటారు.

ఇక ఈ ఏడాది కూడా ఈ కార్యక్రమాన్ని నిర్వహించేందుకు ఏర్పాట్లు చేస్తున్నారు. ఈ మేరకు 2025లో చేప ప్రసాదం పంపిణీ జూన్ 8, 9 తేదీలలో జరపాలని నిర్ణయించారు. ఈ కార్యక్రమాన్ని సజావుగా నిర్వహించేందుకు తెలంగాణ ప్రభుత్వం అన్ని విభాగాల్లో సహకరించనుంది. అందులో నీటి సరఫరా, రవాణా, విద్యుత్, పోలీసు భద్రత, మత్స్య శాఖ సహకారం వంటి అంశాలు ఉన్నాయి. కాగా ఈ సంవత్సరం 5 నుంచి 6 లక్షల మంది ఈ చేప ప్రసాదం కోసం వస్తారని అంచనా వేస్తున్నారు.

మరోవైపు ఈ చేప ప్రసాదం తీసుకునే వారు బత్తిని కుటుంబం సూచించిన ఆహార నియమాలను పాటించాల్సి ఉంటుంది. నాలుగు సంవత్సరాల పాటు వరుసగా ఈ ప్రసాదం తీసుకోవాలి. శాఖాహారుల కోసం, చేపలకు బదులుగా బెల్లం తో తయారు చేసిన ప్రత్యేక ప్రసాదం అందుబాటులో ఉంటుంది.

English summary

In Telangana, a fish medicine program is organized annually on the occasion of Mrigasira Karte for those suffering from asthma and other respiratory problems. This distribution program is held at the Nampally Exhibition Ground in Hyderabad.