టెకీని వేధించిన క్యాబ్ డ్రైవర్.. కారులో అసభ్యంగా..

హైదరాబాద్ : క్యాబ్ డ్రైవర్ సహా సూపర్ వైజర్ ఓ సాఫ్ట్ వేర్ ఉద్యోగినిపై అత్యాచార యత్నానికి పాల్పడిన ఘటన ఆల్వాల్ పోలీస్ స్టేషన్ పరిధిలో చోటు చేసుకుంది. అయితే యువతి గట్టిగా ప్రతిఘటించడంతో.. ఇద్దరు నిందితులు అక్కడినుంచి పరారయ్యారు.

వివరాల్లోకి వెళ్తే.. మచ్చబొల్లారంలో నివాసం ఉండే ఓ వివాహిత హైటెక్‌ సిటీలో సాఫ్ట్‌వేర్‌ ఉద్యోగిగా పనిచేస్తోంది. ఇదే క్రమంలో శుక్రవారం నాడు విధులు ముగించుకుని క్యాబ్ ద్వారా తన ఇంటికి బయలుదేరింది. అలా కారు మార్గమధ్యలో ఉండగానే.. క్యాబ్ డ్రైవర్ వేణుగోపాల్‌(37) సహా అందులోనే ఉన్న క్యాబ్ సూపర్ వైజర్ శ్రీకాంత్‌(25) ఇద్దరు ఆమెతో అసభ్యంగా ప్రవర్తించారు.

అయితే యువతి గట్టిగా ప్రతిఘటించడంతో.. నిందితులిద్దరు పరారైనట్లు సమాచారం. అనంతరం షీ టీమ్ కు ఫోన్ ద్వారా ఫిర్యాదు చేసిన ఉద్యోగిని.. ఇంటికి చేరుకున్న వెంటనే అల్వాల్‌ పోలీసులకు ఫిర్యాదు చేశారు. ఫిర్యాదు మేరకు నిందితుల కోసం గాలించిన పోలీసులు వారిని అదుపులోకి తీసుకున్నారు. ప్రస్తుతం వారిద్దరిని విచారిస్తున్నట్లు సీఐ ఆనంద్ రెడ్డి ఒక ప్రకటనలో తెలిపారు.

English summary

A Cab driver in hyderabad city was harassed a IT Employee while she was returning to home through his cab