ప్రకంపనలు సృష్టిస్తున్న కాళేశ్వరం ప్రాజెక్టు

తెలంగాణలో రాజకీయ ప్రకంపనలు సృష్టిస్తున్న కాళేశ్వరం ప్రాజెక్టుపై కీలక పరిణామం చోటుచేసుకుంది. కాళేశ్వరం కమిషన్ నివేదికపై అసెంబ్లీలో సమగ్రంగా చర్చిస్తామని ముఖ్యమంత్రి రేవంత్ రెడ్డి స్పష్టం చేశారు. త్వరలోనే ఈ నివేదిక అసెంబ్లీకి అందజేయబడుతుందని ఆయన తెలిపారు. తెలంగాణ కేబినెట్ సమావేశం అనంతరం ఏర్పాటు చేసిన ప్రెస్‌మీట్‌లో సీఎం రేవంత్ ఈ వివరాలు వెల్లడించారు.

కూలిన ప్రాజెక్టుపై సమగ్ర నివేదిక
"ఊరు, పేరు మార్చి, అంచనాలకు మించి కట్టిన ప్రాజెక్టు కూలింది. కాళేశ్వరం కమిషన్ నివేదికకు కేబినెట్ ఆమోదం తెలిపింది. దీనిపై అసెంబ్లీలో చర్చించి తగు నిర్ణయం తీసుకుంటాం. ప్రజా ప్రతినిధులకు కమిషన్ నివేదిక ప్రతులను అందిస్తాం, తద్వారా వారు స్వేచ్ఛగా తమ అభిప్రాయాలను వెల్లడించవచ్చు" అని సీఎం రేవంత్ పేర్కొన్నారు.

అంతకుముందు, ఉపముఖ్యమంత్రి మల్లు భట్టివిక్రమార్క మాట్లాడుతూ, కాళేశ్వరం ప్రాజెక్టు వైఫల్యానికి అప్పటి సీఎం కేసీఆరే కారణమని సూక్ష్మంగా తేలిందని అన్నారు. కేసీఆర్ అసెంబ్లీలో చెప్పిన విషయాలు అవాస్తవాలని కమిషన్ రిపోర్ట్‌తో బయటపడిందని ఆయన పేర్కొన్నారు. మూడు బ్యారేజీల నిర్మాణం కేసీఆర్ సొంత, ఏకైక నిర్ణయం అని ఘోష్ కమిషన్ స్పష్టం చేసిందని భట్టివిక్రమార్క తెలిపారు. ఈటెల రాజేందర్ సైతం కమిషన్ ముందు చెప్పింది అవాస్తవమని కమిషన్ రిపోర్టు ఆధారంగా తేలిందని ఆయన వెల్లడించారు. ఇది మా వ్యక్తిగత అభిప్రాయం కాదు... ఘోష్ కమిషన్ రిపోర్ట్ మాత్రమే" అని భట్టివిక్రమార్క బలంగా నొక్కి చెప్పారు. ఈ నివేదికపై అసెంబ్లీలో జరిగే చర్చ తెలంగాణ రాజకీయాల్లో ఎలాంటి మలుపులు తిప్పుతుందో వేచి చూడాలి.

English summary

Chief Minister Revanth Reddy has made it clear that the Kaleshwaram Commission report will be discussed comprehensively in the Assembly.