జూబ్లీహిల్స్లో భారీ పేలుడు: కుప్పకూలిన భవనం
హైదరాబాద్: సోమవారం భారీ పేలుడుతో జూబ్లీహిల్స్ ఒక్కసారిగా ఉలిక్కిపడింది. రోడ్ నంబర్ 48లో ఓ భవన నిర్మాణ స్థలంలో సోమవారం మధ్యాహ్నం పేలుడు సంభవించింది. ఓ బడా పారిశ్రామికవేత్తకు చెందిన ఈ స్థలంలో భవనం నిర్మిస్తున్నారు.
బండరాళ్లను తొలగించేందుకు భారీస్థాయిలో జిలెటిన్ స్టిక్స్ వినియోగించారు. దీంతో భారీ శబ్దం చేసుకుంటూ పేలుడు సంభవించింది. ఏం జరుగుతుందో తెలీక స్థానికులు భయంతో పరుగులు తీశారు.
పేలుడు తీవ్రతకు సమీపంలోని ఓ ఇల్లు కుప్పకూలింది. సమాచారం అందుకున్న పోలీసులు హుటాహుటిన అక్కడికి చేరుకుని విచారణ చేపట్టారు. బాంబు స్క్వాడ్ తనిఖీలు చేపట్టారు. ఈ ఘటనకు సంబంధించి పూర్తి వివరాలు తెలియాల్సి ఉంది.
Click it and Unblock the Notifications
Sign in with Google