పెళ్లికి నిరాకరించిందని.. పోర్న్ సైట్లో ఫొటో, ఫోన్ నెంబర్ పెట్టాడు
హైదరాబాద్: తనను ప్రేమించడం లేదని, పెళ్లి చేసుకోవడానికి నిరాకరించిందనే కోపంతో ఓ ప్రబుద్ధుడు యువతి ఫొటోను, మొబైల్ నెంబర్ను పోర్న్ సైట్లో పెట్టాడు. దీంతో ఆమెకు చాలా మంది నుంచి వచ్చాయి. తీవ్ర మనోవేదనకు గురైన బాధితురాలు చివరకు పోలీసులను ఆశ్రయించింది.
ఈ ఘటనకు సంబంధించి రాచకొండ కమిషనర్ మహేశ్ భగవత్ తెలిపిన వివరాల ప్రకారం.. తన ఫొటోను, మొబైల్ ఫోన్ నెంబర్ను పోర్న్ సైట్లో నమోదుచేశారని సెప్టెంబర్ 19న బాధితురాలు(22) రాచకొండ సైబర్క్రైమ్ పోలీసులకు ఫిర్యాదు చేసింది. ఫేస్బుక్ ఖాతాలో తన ఫొటోను తస్కరించి ఈ నిర్వాకానికి పాల్పడినట్లు బాధితురాలు తెలిపింది.
కేసు నమోదు చేసుకున్న సైబర్క్రైమ్ ఇన్స్పెక్టర్ రియాజుద్దీన్ దర్యాప్తు చేపట్టారు. జహనుమా గుల్జార్నగర్కు చెందిన మహ్మద్ యూసుఫ్(24) ఈ నిర్వాకానికి పాల్పడినట్లు గుర్తించారు. గతంలో బాధితురాలితోపాటు పనిచేసిన యూసుఫ్ ఆరునెలల క్రితం పెళ్లి ప్రతిపాదన చేశాడు. ఆమె నిరాకరించడంతో కక్ష పెంచుకొని ఇలా చేశాడని పోలీసులు తెలిపారు.
Click it and Unblock the Notifications
Sign in with Google