• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

శోభాయమానంగా శ్రీరాముని శోభాయాత్ర పక్కల రాష్ట్రాల నుంచి భారీగా తరలివచ్చిన భక్తులు

|
    శోభాయమానంగా శ్రీరాముని శోభాయాత్ర || Oneindia Telugu

    హైదరాబాద్ : శ్రీరామ నవమి రోజున ఏటా హైదరాబాద్‌లో నిర్వహించి శోభాయాత్ర శోభాయమానంగా సాగింది. భారీ సంఖ్యలో భక్తులు తరిలివచ్చారు. కాషాయ జెండాలతో వీధులన్నీ రెపరెపలాడాయి. భాగ్యనగర్ శ్రీరామ నవమి ఉత్సవ సమితి ఆధ్వర్యంలో నిర్వహించిన యాత్ర కన్నుల పండువగా సాగింది. ఎమ్మెల్యే రాజాసింగ్ ధూల్ పేట గంగాబౌలిలో సీతారాముల దర్బార్‌కు పూజలు నిర్వహించి శోభాయాత్ర ప్రారంభించారు.

    నేడు పట్టాభిషిక్తుడు కానున్న రామయ్య

    2010 నుంచి రాజాసింగ్ ఆధ్వర్యంలో

    2010 నుంచి రాజాసింగ్ ఆధ్వర్యంలో

    శ్రీరాముని శోభాయాత్రను 2010 నుంచి రాజాసింగ్ నేతృత్వంలో నిర్వహిస్తున్నారు. భాగ్యనగర్ ఉత్సవ సమితి అధ్యక్షుడు డాక్టర్ భగవంతరావు ఆధ్వర్యంలో సీతారాంబాగ్ ఆలయం నుంచి మధ్యాహ్నం 12 గంటలకు ప్రారంభమైన శోభాయాత్ర చివరి వరకు ప్రశాంత వాతావరణంలో సాగింది.

    బ్యాండ్ మేళాలు, డీజేల హోరు

    బ్యాండ్ మేళాలు, డీజేల హోరు

    బ్యాండ్ మేళాల చప్పుడు, డీజేల పాటలకు యువత ఆటపాటలతో శోభాయాత్రం ఆద్యంతం అద్భుతంగా సాగింది. సీతారాం బాగ్, గంగాబౌలి నుంచి ప్రారంభమైన శోభాయాత్ర మంగళ్‌హాట్ ప్రధాన రోడ్డులో కలిశాయి. పురానాపూల్, జుమ్మేరాత్ బజార్, చుడీ బజార్, బేగం బజార్, సిద్ధంబర్ బజార్, గౌలిగూడ, కోఠి, సుల్తాన్ బజార్ మీదుగా హనుమాన్ టేక్డీ వరకు శోభాయాత్ర సాగింది.

    భక్తుల రద్దీ.. భారీ బందోబస్తు

    భక్తుల రద్దీ.. భారీ బందోబస్తు

    తెలుగు రాష్ట్రాల నుంచే కాక పక్క రాష్ట్రాల నుంచి తరలివచ్చిన భక్తులతో శోభాయాత్ర కళకళలాడింది. భక్తులు భారీ సంఖ్యలో రావడంతో బేగంబజార్, ధూల్‌పేట్, మంగళ్‌హాట్ ప్రాంతాల్లో రోడ్లన్నీ ఇసకేస్తే రాలనంత జనంతో నిండిపోయాయి. శోభాయాత్రలో ప్రదర్శించిన దేవతామూర్తుల విగ్రహాలు ఆకట్టుకున్నాయి. శ్రీరాముని విగ్రహం, సీతారాముల పల్లకి సేవ, రాధాకృష్ణులు, రాణి అవంతిబాయి, హనుమాన్‌పై శ్రీరామ్ రామబాణం తదితర విగ్రహాలు ఆకట్టుకున్నాయి. శోభాయాత్ర సందర్భంగా ఎలాంటి అవాంఛనీయ ఘటనలు చోటుచేసుకోకుండా పోలీసుల భారీ భద్రత ఏర్పాటు చేశారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    Shobha Yatra, a massive procession, taken out on the occasion of Rama Navami attracted thousands of youngsters from in and around the city on Sunday.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more