Get Updates
Get notified of breaking news, exclusive insights, and must-see stories!

బాల్క సుమన్‌పై మంత్రి కేటీఆర్ ప్రశంసల వర్షం: ప్రమోషన్ ఖాయమైనట్లే!

By
Time

మంచిర్యాల: కాంగ్రెస్, బీజేపీలపై మరోసారి తీవ్రస్థాయిలో విరుచుకుపడ్డారు బీఆర్ఎస్ వర్కింగ్ ప్రెసిడెంట్, మంత్రి కేటీఆర్. మొండి చెయ్యి పార్టీని, చెవిలో పువ్వు పెట్టే పార్టీని నమ్మొద్దని వ్యాఖ్యానించారు. మంచిర్యాల జిల్లా పర్యటనలో భాగంగా మందమర్రిలో నిర్వహించిన రోడ్ షో, సభలో మంత్రి కేటీఆర్ పాల్గొన్నారు. ఈ సందర్భంగా రూ. 250 కోట్లతో చేపట్టిన పలు అభివృద్ధి పనులను ఆయన ప్రారంభించారు.

ఈ సందర్భంగా మంత్రి కేటీఆర్ మాట్లాడుతూ.. 150 ఏళ్ల క్రితం పుట్టిన పార్టీ గ్యారంటీ ఎప్పుడో తీరిపోయిందని కాంగ్రెస్ పార్టీపై వ్యంగ్యాస్త్రాలు సంధించారు. 60 ఏళ్లలో ఏమీ చయని కాంగ్రెస్.. ఇప్పుడు ఆరు గ్యారంటీలు అంటూ వస్తోందని ఎద్దేవా చేశారు. రాబోయే ఎన్నికల్లో కాంగ్రెస్, బీజేపీలకు డిపాజిట్లు కూడా రావన్నారు. వారంటీ లేని పార్టీ గ్యారంటీలను ననమ్ముదామా? అని ప్రశ్నించారు.

If he will minister..: minister KTR praises chennur MLA balka suman

పొరపాటునో గ్రహపాటునో కాంగ్రెస్‌కు ఓట్లు వేస్తే 3 గంటల కరెంటు గ్యారంటీ అన్నారు కేటీఆర్. సంవత్సరానికి ఒక ముఖ్యమంత్రి రావడం గ్యారంటీ అని, ఆకాశం నుంచి పాతాళం వరకు కుంభకోణాలు జరగడం గ్యారంటీ అని కేటీఆర్ విమర్శించారు. కాంగ్రెస్‌ అంటే కన్నీళ్లు.. కష్టాలు అని, బీఆర్‌ఎస్‌ అంటే సాగునీళ్లు.. సంక్షేమం అని చెప్పారు.

రైతు బంధు కేసీఆర్‌ కావాలా? రాబంధు కాంగ్రెస్‌ కావాలా? అని కేటీఆర్ ప్రశ్నించారు. 24 గంటల కరెంటు ఇస్తున్న సీఎం కేసీఆర్‌ కావాలా? 3 గంగల కరెంటు ఇచ్చే కాంగ్రెస్‌ కావాలో ఒక్కసారి ఆలోచించుకోవాలన్నారు. మోడీ ఎన్ని చెప్పినా తొండి అని, ప్రధాని మనసులో తెలంగాణపై ప్రేమ లేదన్నారు. రాష్ట్రానికి రావడమే తప్ప ఇచ్చిందేమీ లేదని విమర్శించారు కేటీఆర్.

దసరా దీపావళి పండుగవేళలో సింగరేణి కార్మికులకు సీఎం కేసీఆర్‌ భారీగా బోనస్‌ ప్రకటించారని కేటీఆర్ చెప్పారు. సింగరేణిని లాభాల బాటలో నడిపిస్తున్నారని, కార్మికులను కడుపులో పెట్టుకుని చూసుకుంటున్నారన్నారు. రూ.500 కోట్లతో ఆయిల్‌పామ్‌ ఫ్యాక్టరీకి భూమి పూజ చేసుకున్నామని చెప్పారు. రాబోయే కాలంలో మందమర్రిని మున్సిపాలిటీగా చేసుకుందామన్నారు మంత్రి కేటీఆర్.


మరోవైపు, చెన్నూరు ఎమ్మెల్యే బాల్క సుమన్‌పై కేటీఆర్ ప్రశంసలు కురిపించారు. ఓయూ నేతగా తెలంగాణ ఉద్యమంలో బాల్క సుమన్ కీలక పాత్ర పోషించారన్నారు. ఎన్నికల్లోనూ బాహుబలిని ఎదుర్కొని.. విజయం సాధించారని తెలిపారు. మంత్రులుగా ఉన్న వాళ్లు చేయని పనులను బాల్క సుమన్ చేసి చూపించారని ప్రశంసించారు. భవిష్యత్తులో సుమన్‌ మంత్రి అయితే ఇంకా ఎన్నో అద్భుతాలు చేస్తారని కేటీఆర్ పేర్కొన్నారు.

Published On October 1, 2023
More From
Prev
Next
Read more about:

ktr balka suman Brs congress bjp కేటీఆర్ బాల్క సుమన్ కాంగ్రెస్ బీజేపీ politics

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+
Sign Out