మందు బాబులకు బ్యాడ్ న్యూస్- వైన్స్, బార్లు బంద్, ఎప్పటి వరకు..!!

మద్యం ప్రియులకు బిగ్ అప్డేట్. ఎక్సైజ్ శాఖ కీలక ప్రకటన చేసింది. రెండు రోజుల పాటు రాష్ట్ర వ్యాప్తంగా మద్యం అమ్మకాలు బంద్ చేయనున్నారు. మున్సిపల్ ఎన్నికల నేపథ్యంలో రాష్ట్రం లోని అన్ని మున్సిపాలిటీలలో రెండు రోజుల పాటు వైన్సులు, బార్లు బంద్‌ కానున్నాయి. ఈనెల 9వ తేదీ నుంచి సాయంత్రం 5 గంటల నుంచి 11 వ తేదీ సాయంత్రం 5 గంటల వరకు మద్యం దుకాణాలను మూసివేయాలని ఎన్నికల, ఆబ్కారీ శాఖ అధికారులు ఆదేశాలు జారీ చేశారు. అదే విధంగా 13వ తేదీ వరకు ఫలితాల నేపథ్యంలో వైన్స్, బార్లు మూసివేయనున్నారు.

తెలంగాణలో మున్సిపల్ ఎన్నికల వేళ ప్రభుత్వం కీలక నిర్ణయాలు తీసుకుంటోంది. రాష్ట్రంలోని
అన్ని మున్సిపాలిటీలలో మద్యం దుకాణాలు 9వ తేదీ సాయంత్రం 5 గంటల నుంచి 11వ తేదీ వరకు మూతపడనున్నాయి. అలాగే, ఫలితాల ప్రకారం 13వ తేదీన కూడా వైన్స్, బార్లు బంద్ ఉంటాయి. ఈ ఆదేశాలను ఎక్సైజ్ శాఖ అధికారులు విడుదల చేశారు. మున్సిపల్ ఎన్నికల పోలింగ్ సమీపించడంతో మునిసిపాలిటీలలో చివరి రోజు ప్రచారం హోరా హోరీగా సాగుతోంది. ఈ సాయంత్రంతో ప్రచారం ముగియనుంది. ప్రధాన పార్టీల అభ్యర్థులు, స్వతంత్ర అభ్యర్థులు ఎల్లప్పుడూ ఇంటింటికి వెళ్ళి ఓటర్లను సంప్రదిస్తూ వారిని ఒప్పించేందుకు ప్రయత్నిస్తున్నారు. కొందరు అభ్యర్థులు ప్రత్యక్షంగా ఓటర్లను కలిసి మద్దతు కోరుతూ, ఓటు వేయాలని విజ్ఞప్తి చేస్తున్నారు.

ముందస్తు చర్యలు

దీంతోకుండా ముందస్తు చర్యల్లో భాగంగా రెండు రోజుల పాటు లిక్కర్ అమ్మకాలను బంద్ చేయాలని నిర్ణయించారు. అదే విధంగా మున్సిపల్‌ ఎన్నికలు జరిగే ఈ నెల 11న స్థానిక సెలవు ప్రకటించాలని జిల్లా కలెక్టర్లను రాష్ట్ర ఎన్నికల సంఘం ఆదేశించింది. అన్ని ప్రభుత్వ కార్యాలయాలు, స్థానిక సంస్థలు, ప్రభుత్వ, ప్రైవేట్‌ విద్యాసంస్థలకు ఈ సెలవు వర్తిస్తుంది. ప్రైవేట్‌ పరిశ్రమలకు కూడా ఆ రోజున సెలవు ఇవ్వాలని ఎస్‌ఈసీ సూచించింది.

ఓటర్లు ఎలాంటి ఆటంకం లేకుండా తమ ఓటు హక్కు వినియోగించు కోవాలనే ఉద్దేశంతో ఈ నిర్ణయం తీసుకున్నట్టు వెల్లడించింది. ప్రజాస్వామ్య పండుగలో ప్రతి ఒకరూ భాగస్వామ్యం కావాలని, పోలింగ్‌ శాతాన్ని పెంచడమే లక్ష్యంగా ఈ సెలవును ప్రకటిస్తున్నట్టు అధికారులు తెలిపారు. అటు రాజకీయ పార్టీలు సైతం ఈ ఎన్నికలను ప్రతిష్ఠాత్మకంగా తీసుకోవటంతో.. పోలింగ్, కౌంటింగ్ ఫలితాల పైన రాష్ట్ర వ్యాప్తంగా ఉత్కంఠ నెలకొంది.

English summary

Liquor sales remains closed for Two days on 11th and 13th of this month due to municipal Elections polling and counting