విమానాలు ఎక్కువశాతం తెలుపు రంగే ఎందుకు ఉంటాయి? తప్పక తెలుసుకోవాల్సిందే!
ప్రపంచవ్యాప్తంగా చాలా విమానాలు తెల్లరంగులోనే ఉంటాయి. అసలు ఎందుకు విమానాలు తెల్ల రంగులోనే ఉంటాయి? దీని వెనుక కారణాలు ఏమిటి? అనేది ఆసక్తి కలిగించే అంశం. తెల్ల రంగులోనే కనిపిస్తాయి, అవి కేవలం అందం కోసం మాత్రమే కాదు, విమానాలకు తెల్ల పెయింట్ వేయడం వల్ల అనేక కారణాలు ఉన్నాయి. దీని వెనుక శాస్త్రీయ ఆర్థిక భద్రత కారణాలు ఉన్నాయని చెబుతారు. మరి అవేమిటో తెలుసుకుందాం.
విమానాలకు తెల్లరంగు వేయటం వెనుక
తెల్ల రంగు సూర్యరశ్మిని ప్రతిబింబిస్తుంది. ఫలితంగా ఇది ఎక్కువ వేడిని గ్రహించకుండా, వేడిని తగ్గిస్తుంది. నలుపు కానీ ఇతర ముదురు రంగులు కానీ ఎక్కువ వేడిని గ్రహిస్తాయి. విమానం ఆకాశంలో ప్రయాణం చేస్తున్న సమయంలో సూర్యుడు వేడి చాలా ఎక్కువగా ఉంటుంది. తెల్ల పెయింట్ వేయడం వల్ల విమానం లోపల ఉష్ణోగ్రత తగ్గి ఎయిర్ కండిషనింగ్ సిస్టం పైన భారం తగ్గుతుంది. దీనివల్ల ఇంధన వినియోగం ఆదా అవుతుంది.
భద్రతకు తెలుపు రంగు బెస్ట్ ఎలాగంటే
మరొక కారణం తెలుపు రంగు మాత్రమే విమానం బాడీ పైన గీతలు, తుప్పు, పగుళ్లు, ఆయిల్ లీకేజ్ వంటివి ఈజీగా గుర్తించటానికి వీలవుతుంది. ముదురు రంగుల పైన అవి అంత త్వరగా కనిపించవు కాబట్టి భద్రత దృష్ట్యా కూడా విమానాలకు తెల్ల రంగుని వేస్తారు. సహజంగా విమానం బరువుగా ఉంటుంది. అటువంటి విమానానికి బరువైన పెయింట్లు వేయకుండా తక్కువ పిగ్మెంట్ తో ఉండే తెల్ల రంగు వేస్తే బరువు తగ్గి ఫ్యూయల్ ఆదా అవుతుంది.
తెల్ల రంగు విమానాలే సేల్, రీసేల్ కూ వాల్యూ
విమానానికి సంబంధించి ఒక కిలో బరువు తగ్గినా భారీగానే ఇంధనం ఆదా అవుతుందని ఒక అంచనా. అంతేకాదు తెల్ల పెయింట్ సులభంగా లభిస్తుంది, నిర్వహణఖర్చు కూడా తక్కువగా ఉంటుంది కాబట్టి దీనినే ఎక్కువ వినియోగిస్తారు. ఇక విమానాలను కొనుగోలు చేసేటప్పుడు, అమ్మేటప్పుడు తెల్లరంగు న్యూట్రల్ రంగు కాబట్టి తెల్లరంగు ఉన్న వాటిని ఎక్కువగా కొంటారు. ప్రకాశవంతమైన రంగులు ఉంటే మార్చడం కష్టం . కనుక ఎక్కువమంది తెల్లరంగుని వేయడానికి ఇష్టపడతారు.
తెలుపు రంగు వేయడం వెనుక ఇదొక చారిత్రక కారణం
దీనికి సంబంధించి చారిత్రక కారణం కూడా లేకపోలేదు. విమానాలు ప్రారంభమైన రోజులలో అవి అల్యూమినియంతో తయారయ్యేవి. అవి తెల్లగా ఉండేవి. ఆ తర్వాత పెయింట్ వేయడం వచ్చినా తెలుపు రంగు వేయడం ఎక్కువ ప్రాధాన్యతను సంతరించుకుంది. ఈ అన్ని కారణాలతో ఎక్కువ శాతం విమానాలు తెల్ల రంగులోనే ఉంటాయి.
Click it and Unblock the Notifications
Sign in with Google