ఓరి ఈడి ఏషాలో: ఫ్లాట్ లోనే పూలకుండీల్లో గంజాయి సాగు!
'పూల మొక్కలు పెంచుకుంటే ఏమొస్తుంది నా పిండాకూడు.. అదే గంజాయి మొక్కలైతే.. ఆహా.. నా సామిరంగ..' అనుకున్నాడో ఏమోగానీ ఓ ప్రబుద్ధుడు బరితెగించి అంత పనీ చేశాడు.
హైదరాబాద్: 'పూల మొక్కలు పెంచుకుంటే ఏమొస్తుంది నా పిండాకూడు.. అదే గంజాయి మొక్కలైతే.. ఆహా.. నా సామిరంగ..' అనుకున్నాడో ఏమోగానీ ఓ ప్రబుద్ధుడు బరితెగించి అంత పనీ చేశాడు.
నగరం నడిబొడ్డున కుండీల్లో గంజాయి మొక్కలు సాగు చేయడమే కాక దానిని విక్రయిస్తూ పాపం పండి పోలీసులకు దొరికిపోయాడు. ఈ ఉదంతంపై సమాచారం అందుకున్న సౌత్ జోన్ టాస్క్ ఫోర్స్ పోలీసులు మొత్తానికి ఆ ప్రబుద్ధుడి భరతం పట్టారు.
గోల్కొండలోని వైకే రెసిడెన్సీలో ఉండే సయ్యద్ అనే వ్యక్తి తన నివాసంలోనే పెద్ద పెద్ద పూలకుండీలను ఏర్పాటు చేసుకుని వాటిలో గంజాయి పండిస్తూ దొంగచాటుగా విద్యార్థులు, ఉద్యోగులకు గంజాయిని విక్రయిస్తున్నాడు.
కొంతకాలంగా ఈ తంతు సాగుతుండగా ముందుగా అందిన సమాచారం మేరకు సోమవారం పోలీసులు ఆ ఇంటిపై దాడి చేసి సదరు గంజాయి మొక్కలను చూసి అవాక్కయ్యారు. వెంటనే సయ్యద్ ను అదుపులోనికి తీసుకుని, గంజాయి మొక్కాలు సహా కుండీలను పోలీస్ స్టేషన్ కు తరలించారు.
Click it and Unblock the Notifications
Sign in with Google