కలలు సాకారం: తెలంగాణ, ఏపీ ప్రజలకు ప్రధాని మోడీ శుభాకాంక్షలు

న్యూఢిల్లీ: తెలంగాణ ఆవిర్భావ దినోత్సవం సందర్భంగా ప్రధాని నరేంద్ర మోడీ తెలంగాణ ప్రజలకు శుభాకాంక్షలు తెలిపారు. రాష్ట్ర ప్రజల ఆకాంక్షలు, కలలు సాకారం కావాలని కోరుకుంటున్నట్లు మోడీ తన ట్విట్టర్ ఖాతాలో వ్యాఖ్యానించారు.

On their Statehood Day, my best wishes to the people of Telangana. May the dreams and aspirations of the people of the state be fulfilled in the years to come.

— Narendra Modi (@narendramodi) June 2, 2018

మరో ట్వీట్‌లో ఆంధ్రప్రదేశ్ రాష్ట్ర ప్రజలకు ప్రధాని మోడీ శుభాకాంక్షలు తెలిపారు. ఆంధ్రప్రదేశ్ ప్రజలందరూ ఆయూరారోగ్యాలతో ఉండాలని ప్రార్థిస్తున్నట్లు మోడీ తన ట్వీట్‌లో పేర్కొన్నారు. 2014, జూన్ 2న తెలంగాణ రాష్ట్రం ఆవిర్భావం జరిగిన విషయం తెలిసిందే. సీమాంధ్ర ప్రాంతం ఆంధ్రప్రదేశ్ రాష్ట్రంగా అవతరించింది.

Greetings to my sisters and brothers of Andhra Pradesh. I pray for the good health and prosperity of the people of the state.

— Narendra Modi (@narendramodi) June 2, 2018

తెలంగాణ సుభిక్షంగా ఉండాలి: గవర్నర్

తెలంగాణ రాష్ట్ర 4వ ఆవిర్భావ దినోత్సవం సందర్భంగా రాష్ట్ర ప్రజలకు గవర్నర్‌ నరసింహన్‌ శుభాకాంక్షలు తెలిపారు. గడిచిన నాలుగేళ్లలో రాష్ట్ర ప్రభుత్వం బడుగు, బలహీన వర్గాల సంక్షేమం, అభివృద్ధి కోసం అనేక కార్యక్రమాలు చేపట్టిందన్నారు.

సంక్షేమ ఫలాలు చిట్టచివరి వ్యక్తి వరకూ అందేలా చూడాలన్నారు. ప్రజల సంతోషమే ప్రభుత్వ విజయాలకి కొలబద్ద అని గవర్నర్ పేర్కొన్నారు. బంగారు తెలంగాణ సాధనలో ప్రభుత్వానికి విజయం చేకూరాలని, సుఖశాంతులతో రాష్ట్రం సుభిక్షంగా ఉండాలని గవర్నర్ నర్సింహన్ ఆకాంక్షించారు.

English summary

PM Narendra Modi has wished Telangana and Andhra Pradesh people on June 2nd on occasion of two states formation day.