పాలకుడు ధార్మికుడైతే రాజ్యం సస్యశ్యామలం: ఆయుత చండీయాగానికి రూ.7 కోట్లు!
మెదక్: తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖర రావు మెదక్ జిల్లా ఎర్రవల్లిలోని తన ఫాంహౌస్లో ఆయుత చండీయాగం నిర్వహిస్తున్నారు. ఐదు రోజుల పాటు ఈ యాగం నిర్వహిస్తారు. ఈ యాగానికి రూ.7 కోట్ల వరకు ఖర్చు అవుతున్నట్లుగా మీడియాలో వార్తలు వస్తున్నాయి.
రెండు వందల ఏళ్లలో దక్షిణాదిన ఇది రెండో ఆయుత చండీయాగం. కెసిఆర్ నిర్వహిస్తున్న ఈ యాగానికి తెలంగాణ, ఆంధ్రప్రదేశ్, కర్నాటక, తమిళనాడు రాష్ట్రాలకు చెందిన రుత్విక్కులు పాల్గొంటున్నారు. పదిహేను వందల మంది రుత్విక్కులు యాగంలో పాల్గొంటున్నారు.
108 హోమగుండాలు ఏర్పాటు చేశారు. ఆయుత చండీయాగం నేపథ్యంలో ఫాంహౌస్ వద్ద పెద్ద ఎత్తున భద్రతను ఏర్పాటు చేశారు. ఈ యాగం 23వ తేదీ నుంచి 27వ తేదీ వరకు నిర్వహిస్తున్నారు. ఈ యాగానికి రాష్ట్రపతి ప్రణబ్ ముఖర్జీ, ఏపీ సీఎం చంద్రబాబు హాజరు కానున్నారు. గవర్నర్ నరసింహన్ నిన్న పాల్గొన్నారు.
ఇంత పెద్ద ఎత్తున నిర్వహిస్తున్న ఆయుత చండీయాగానికి మీడియాలో వస్తున్న వార్తల ప్రకారం.. రూ.6 నుంచి రూ.7 కోట్లు ఖర్చువుతున్నట్లుగా తెలుస్తోంది. ఈ యాగంపై విమర్శలు చేస్తున్న వారు లేకపోలేదు. అయితే, అందరి క్షేమం కోసమే ఆయుత చండీయాగం నిర్వహిస్తున్నట్లు టిఆర్ఎస్ వర్గాలు చెబుతున్నాయి. పాలకుడు ధార్మికుడైతే రాజ్యం సస్యశ్యామలంగా ఉంటుందనే వారూ ఉన్నారు.
Click it and Unblock the Notifications
Sign in with Google