Crime News: చేపల కోసం వెళ్లి నీటి గుంతలో పడి ముగ్గురు చిన్నారుల మృతి..

రంగారెడ్డి జిల్లా షాద్‌నగర్‌ మున్సిపాలిటీలో విషాదం జరిగింది. సోలీపూర్‌ శివారులో నీటి గుంతలో పడి ముగ్గురు చిన్నారులు మృత్యువాత పడ్డారు. షాద్‌నగర్‌ కు చెందిన అక్షిత్ గౌడ్‌, ఫరీద్‌, ఫరీన్‌ ఈ ఉదయం ఆడుకోవడానికి బయటకు వెళ్లారు. ఆడుకుంటూ.. ఓ చోట వెంచర్‌ కోసం వేసిన స్థలంలో నీరు నిలవగా.. అందులో చేపలు పట్టేందుకు వెళ్లారు.

ఈత రాక
అందులో దిగేందుకు ప్రయత్నించగా జారిపడ్డారు. వారు ఈత రాక మునిగిపోయి అక్కడికక్కడే నీటిలో మునిగి చనిపోయారు. అయితే ఎప్పుడో వెళ్లిన తమ పిల్లలు ఇంకా రాలేదని వారు వారి కోసం వెతకడం మొదలు పెట్టారు. వెతుకుంటూ వెంచర్ వద్దకు వచ్చారు. అయితే అప్పటికే చనిపోయి చాలా సేపు కావడంతో పిల్లల మృతదేహాలు పైకి తేలియాడుతూ కనిపించాయి.

కేసు పెట్టాలి
కుమారుల మృతదేహాలు చూసిన తల్లిదండ్రులు వెక్కివెక్కి ఏడ్చారు. పోలీసులు ఘటన స్థలికి చేరుకుని పిల్లల మృతదేహాలను బయటకు తీశారు. ముగ్గురు పిల్లల 10 ఏళ్ల లోపువారేనని పోలీసులు తెలిపారు. అయితే లోతుగా తవ్విన వెంచర్ యాజమాన్యంపై చర్యలు తీసుకోవాలని, కేసు నమోదు చేయాలని స్థానికులు డిమాండ్ చేశారు.

English summary

Three children died after falling into a water hole in Shadnagar. The police registered a case and started the investigation.