మహిళలకే కాదు వారికి ఉచిత బస్సులు.. సూపర్ న్యూస్ చెప్పిన తెలంగాణా ఆర్టీసీ!
తెలంగాణ రాష్ట్రాన్ని 2047 నాటికి 3 ట్రిలియన్ డాలర్ల ఆర్థిక వ్యవస్థగా మార్చాలని లక్ష్యంతో తెలంగాణ రాష్ట్రంలోని రేవంత్ రెడ్డి ప్రభుత్వం ఇటీవల భారత్ ఫ్యూచర్ సిటీలో తెలంగాణ రైజింగ్ గ్లోబల్ సమ్మిట్ ను నిర్వహించింది. దావోస్ మోడల్ లో నిర్వహించిన ఈ సదస్సులో తెలంగాణ రైజింగ్ విజన్ డాక్యుమెంట్ 2047 ను విడుదల చేశారు.
ఉచిత బస్సులపై కీలక ప్రకటన
ఈ గ్లోబల్ సమ్మిట్ లో 44దేశాల నుండి 154మంది ప్రతినిధులు హాజరు కాగా, జాతీయ, అంతర్జాతీయ కంపెనీలు రాష్ట్రంలో పెట్టుబడి ఒప్పందాలు చేసుకున్నారు. అయితే ఈ తెలంగాణ రైజింగ్ గ్లోబల్ సమ్మిట్ లో ఏర్పాటు చేసిన స్టాల్స్ చాలా ప్రత్యేక ఆకర్షణగా నిలిచాయి. ఈ స్టాల్స్ ను సందర్శించడానికి తెలంగాణ ఆర్టీసీ ఉచిత బస్సులను ఏర్పాటు చేసింది. ఈ పబ్లిక్ ఎగ్జిబిషన్ సందర్భంగా తెలంగాణా ఆర్టీసీ ఒక ప్రకటన ఇచ్చింది.
గ్రేటర్ హైదరాబాద్ లో ఫ్యూచర్ సిటీకి ఉచిత బస్సులు
గ్రేటర్ హైదరాబాద్ పరిధిలో తెలంగాణా ఆర్టీసీ ఈ ఉచిత బస్సులను నడుపుతున్నట్టు పేర్కొంది. గ్రేటర్ హైదరాబాద్ జోన్ పరిధిలో డిసెంబర్ 11 నుంచి డిసెంబర్ 13వ తేదీ వరకు ఈ ఉచిత బస్సులు నడుస్తున్నాయి. ఉప్పల్, గచ్చిబౌలి, ఎల్బీ నగర్, శంషాబాద్, మియాపూర్, ఎంజీబీఎస్, జేబీఎస్ వంటి ప్రధాన ప్రాంతాల నుండి ఈ బస్సులు బయలుదేరతాయి. ప్రతీరోజూ ఉదయం 9 గంటల నుండి 12గంటలవరకు ప్రతీ గంటకు బస్సులు వెళ్తాయి.
భారత్ ఫ్యూచర్ సిటీకి బస్సులు అప్పటివరకే .
మళ్లీ ఫ్యూచర్ సిటీ నుండి తిరిగి ప్రతిరోజు సాయంత్రం నాలుగు గంటల నుండి 7 గంటల వరకు బస్సులు ప్రారంభమవుతాయి. సాయంత్రం కూడా ప్రతిగంటకు బస్సులు ఉన్నాయి. రెండు రోజుల పాటు ఈ ఉచిత బస్సుల సదుపాయాన్ని ప్రతి ఒక్కరు వినియోగించుకోవాలని తెలంగాణ ఆర్టీసీ కోరుతోంది. తెలంగాణ ప్రభుత్వం అత్యంత ప్రతిష్టాత్మకంగా నిర్వహించిన తెలంగాణ రైసింగ్ గ్లోబల్ సమ్మిట్లో ఏర్పాటుచేసిన పబ్లిక్ ఎగ్జిబిషన్ లో ఎగ్జిబిట్ లను తిలకించాలని ప్రభుత్వం ఈ ఏర్పాటు చేసింది.
తెలంగాణా విజన్ డాక్యుమెంట్ పై అవగాహన వచ్చేలా స్టాల్స్
తెలంగాణ అభివృద్ధికి రూపొందించిన విజన్ 2047 ప్రణాళికను వివిధ మోడల్ లు, డిజిటల్ డిస్ప్లేలు, ప్రజెంటేషన్ ల రూపంలో ఏర్పాటు చేసినందున వాటన్నింటిని తిలకించాలని, తెలంగాణ ప్రభుత్వ రోడ్డు మ్యాప్ ను అర్థం చేసుకోవాలని ప్రభుత్వం కోరుతోంది. ఇందుకోసమే భారత్ ఫ్యూచర్ సిటీలోని పబ్లిక్ ఎగ్జిబిషన్స్ స్థలానికి ఉచిత బస్సులను నడుపుతుంది.
Click it and Unblock the Notifications
Sign in with Google