తాగొద్దని చెప్పిన యాంకర్ ప్రదీప్ ఇలా, వీడియో హల్‌చల్: 3 గంటల కౌన్సెలింగ్ తర్వాత కోర్టుకు (వీడియో)

Updated: Tuesday, January 2, 2018, 12:58 [IST]

నీతులు చెప్పి గోతిలో పడ్డారు!

ఓ వైపు తాగి డ్రైవింగ్ చేయవద్దని చెబుతున్న వీడియో, మరోవైపు తాజాగా అతను పట్టుబడిన వీడియో సోషల్ మీడియాలో వైరల్ అవుతోంది. ఆ రెండింటిని పక్క పక్కనే ప్లే చేస్తూ ఇలా చెప్పి, అలా చేయడం ఏమిటని నెటిజన్లు ప్రశ్నిస్తున్నారు. ఒక్క తప్పు కారణంగా ఆయన పరువు పోగొట్టుకున్నాడని అంటున్నారు. నీతులు చెప్పి గతిలో పడ్డాడని అంటున్నారు.

మంగళవారం కౌన్సెలింగ్ తర్వాత కోర్టుకు

కాగా, తాగి మద్యం నడిపిన ప్రదీప్‌కు మంగళవారం పోలీసులు కౌన్సెలింగ్ ఇవ్వనున్నారు. ప్రదీప్‌తో పాటు దొరికిన ఇతరులకు కూడా కౌన్సెలింగ్ ఇస్తారు. ఆ తర్వాత వారిని కోర్టులో హాజరుపరచనున్నారు. ప్రదీప్‌కు రెండు రోజుల నుంచి వారం రోజుల పాటు శిక్ష పడవచ్చునని చెబుతున్నారు.

ప్రదీప్‌కు మూడు గంటల పాటు కౌన్సెలింగ్

బేగంపేటలోని కౌన్సెలింగ్ సెంటర్‌కు మంగళవారం హాజరు కావాలని ప్రదీప్‌కు పోలీసులు ఆదేశించారు. సుమారు మూడు గంటల పాటు ప్రదీప్‌కు కౌన్సెలింగ్ ఇవ్వనున్నట్టు తెలుస్తోంది. ఇందులో భాగంగా మూడు డాక్యుమెంటరీల ప్రదర్శనతో పాటు నిపుణుల కౌన్సెలింగ్ ఉంటుందని తెలుస్తోంది. తల్లిదండ్రుల సమక్షంలో కౌన్సెలింగ్ ఇవ్వనున్నారు.

కారు బ్లాక్ ఫిలింలు తొలగించడం పైనా కేసు?

కౌన్సెలింగ్ అనంతరం ప్రదీప్‌ను కోర్టులో హాజరు పరుస్తామని పోలీసులు చెప్పినట్లుగా సమాచారం. అలాగే, ప్రదీప్ తన కారుకు ఉన్న బ్లాక్ ఫిల్మ్‌లు తొలగించకపోవడంపై కూడా మరో కేసు నమోదైనట్టుగా తెలుస్తోంది.

కారులో అమ్మాయి కూడా ఉందా?

డ్రంక్ అండ్ డ్రైవ్‌లో పట్టుబడిన సంగతి పక్కన పెడితే, ప్రదీప్ పక్కన కారులో ఓ అమ్మాయి కూడా ఉన్నట్లుగా సోషల్ మీడియాలో వార్తలు వస్తున్నాయి. అది నిజమా కాదా అనేది తెలియాల్సి ఉంది. అది నిజమే అయితే ఆమె ఎవరు? అనే చర్చ సాగుతోంది. అమ్మాయి కారులో ఉన్నది నిజమే అయితే, ఆమె కూడా మద్యం మత్తులో ఉందా అనే చర్చ సాగుతోంది.

డీసెంట్‌గా కనిపించే ప్రదీప్

కాగా, గత రాత్రి హైదరాబాద్‌లోని జూబ్లీహిల్స్‌లోని రోడ్ నంబర్ 45లో జరిగిన తనిఖీల్లో ప్రదీప్ దొరికిన విషయం తెలిసిందే. ఓ పబ్బులో మందు కొట్టి వచ్చి తన టీఎస్ 07 ఈయూ 6666 కారులో డ్రైవింగ్ చేస్తూ బయలుదేరాడు. జూబ్లీహిల్స్ లో తనిఖీల్లో ప్రదీప్ దొరికాడు. డీసెంట్‌గా కనిపించే ప్రదీప్ దొరకడం చర్చకు దారి తీసింది.