ఎన్నారై లోకసత్తా వెబ్‌సైట్

By Pratap

Published: Monday, January 30, 2012, 11:39 [IST]

గణతంత్ర దినోత్సవం సందర్భంగా లోకసత్తాకు మద్దతిస్తున్న ఎన్నారైల పీపుల్ ఫర్ లోకసత్తా (పిఎఫ్ఎల్) వెబ్ సైట్ ప్రారంభమైంది. లోకసత్తా నుంచి ఎన్నికైన తొలి మహిళా ప్రతినిధి తిరుమాన్ శేషమ్మ ఈ వెబ్‌సైట్‌ను ప్రారంభించారు. 2010లో ఆమె కృష్ణా జిల్లా మట్లం మదల్‌లో వార్డు సభ్యురాలిగా ఎన్నికయ్యారు. తన నియోజకవర్గంలో వాటర్ ప్లాంట్ నిర్మాణానికి సహాయం చేసిన ఎన్నారైలకు ఆమె కృతజ్ఝతలు తెలిపారు. సమావేశానికి డాక్టర్ జయప్రకాష్ నారాయమ అధ్యక్షత వహించారు. గత రెండేళ్లుగా తాము చేస్తున్న కార్యక్రమాలను పిఎఫ్ఎల్ ఇండియా ప్రతినిధి పద్మ భూపతిరాజు వివరించారు.

కూకట్‌పల్లిలో చేసిన పనుల గురించి ఇటీవలే ఇండియా నుంచి తిరిగి వచ్చిన పిఎఫ్ఎల్ ప్రెసిడెంట్ ప్రసన్న మేదా వివరించారు. భారతదేశాన్ని ఉత్తమంగా తీర్చిదిద్దాలనే ఏకైక లక్ష్యంతో నిస్వార్థంగా సేవలందించడానికి లోకసత్తా పార్టీ, పిఎఫ్ఎల్ కలిసి పనిచేస్తున్నాయని చెప్పారు. తాము మహారాష్ట్ర, తమిలనాడు వంటి లోకసత్తా శాఖలకు కూడా తగిన మద్దతు అందిస్తున్నట్లు ప్రసన్న చెప్పారు. ఉత్తమ ప్రజాస్వామ్యం కోసం తాము పోరాటం కొనసాగిస్తామని అన్నారు.

Published On January 30, 2012