మహిళా కూలీలపై రేప్ యత్నం: పోలీసు కీచకులు
మద్యం మత్తులో ఒడిషా మహిళా కూలీలపై అసభ్యంగా ప్రవర్తించారు. ముగ్గురు మహిళా కూలీలపై వారు అత్యాచార యత్నానికి పాల్పడినట్లు తెలుస్తోంది. పోలీసులను స్థానికులు అడ్డుకుని కలికిరి పోలీసు స్టేషనులో ఫిర్యాదు చేశారు. ఈ ఘటనకు సంబంధించి ఓ కానిస్టేబుల్‌పై, హోంగార్డుపై కేసు నమోదు చేశారు. వారిపై విచారణ చేపట్టినట్లు ఎస్ఐ సోమశేఖర రెడ్డి చెప్పారు.
ఇదిలా వుంటే, గుంటూరు జిల్లాలో ఓ ఉపాధ్యాయుడు మహిళల పట్ల అసభ్యంగా ప్రవర్తించడం వెలుగులోకి వచ్చింది. గుంటూరు జిల్లాలోని ఓ కాన్వెంట్ పాఠశాలలో ప్రసాద్ అనే వ్యక్తి ఉపాధ్యాయుడిగా పనిచేస్తున్నాడు. అతను రోమియో అవతారం ఎత్తాడు. పాఠశాల సమీపంలోని మహిళలను వేధించడం పనిగా పెట్టుకున్నాడు. అయితే అతని ఆగడాలకు స్థానికులు అడ్డుకట్ట చేశారు.
తాజాగా, అతను ఓ మహిళను మంచినీళ్లు అడిగాడు. ఆమె మంచినీళ్లు తేవడం చూసి తన గదిలోకి వెళ్లాడు. మంచినీళ్లు గదిలోకి తేవాలని ఆమెకు చెప్పాడు. ఆమె గదిలోకి వెళ్లగానే తన కోరిక తీర్చాలంటూ వేధించాడు. దీంతో ఆ మహిళ తప్పించుకుని పారిపోయింది. అది గుర్తించిన స్థానికులు ప్రసాద్‌ను పాఠశాలలో నిర్బంధించి పోలీసులకు ఫిర్యాదు చేశారు. కాపురాలు కూలిపోతాయనే భయంతో ఆ రోమియో ఆగడాలను సహిస్తూ వచ్చిన మహిళలు ఒక్కటే అతనికి బుద్ధి చెప్పారు.
Click it and Unblock the Notifications
Sign in with Google
