భూమి చీలుతోంది-భారీగా ప్రాణ ఆస్తి నష్టం:సైంటిస్టుల సంచలన నివేదిక..!!

ప్రపంచాన్ని ఆందోళనకు గురిచేసే ఓ షాకింగ్ భూగోళ పరిశోధన వెలుగులోకి వచ్చింది. భూమి ఉపరితలం ఎప్పుడూ కదులుతూనే ఉన్నప్పటికీ, ఇప్పుడు భారతదేశానికి చెందిన ప్రధాన టెక్టానిక్ ప్లేట్ (ఇండియన్ ప్లేట్) టిబెట్ కింద రెండు భాగాలుగా చీలిపోతున్నట్లు శాస్త్రవేత్తలు గుర్తించారు. అమెరికాలోని కొలరాడో యూనివర్సిటీ పరిశోధకులు చేసిన ఈ అధ్యయనం హిమాలయ ప్రాంతంలో భారీ భూకంపాలు, అగ్నిపర్వత విస్ఫోటాలు మరియు పెను భూగోళ మార్పులకు దారి తీయవచ్చని హెచ్చరించింది. ఈ ప్రక్రియ వేగం పుంజుకుంటే, హిమాలయ ప్రాంతంలో నివసించే కోట్లాది ప్రజల జీవితాలకు పెను ప్రమాదం పొంచి ఉంటుంది.

ఏం జరుగుతోంది? ప్లేట్ చీలిక కథ
భూమి యొక్క ఉపరితలం (క్రస్ట్) అనేక టెక్టానిక్ ప్లేట్లుగా విభజించబడింది, అవి నెమ్మదిగా కదులుతూ ఉంటాయి. ఇండియన్ టెక్టానిక్ ప్లేట్ ఆఫ్రికా నుంచి విడిపోయి ఉత్తరం వైపు కదులుతోంది. తాజా పరిశోధన ప్రకారం, ఈ ప్లేట్ టిబెట్ కింద 100 కిలోమీటర్ల లోతులో విచ్ఛిన్నం అవుతోంది. ప్లేట్ యొక్క పై భాగం హిమాలయాల వైపు నెట్టబడుతుండగా, దిగువ భాగం మంగోలియా వైపుగా జారుతోంది.

'నేచర్ జియోసైన్స్' జర్నల్‌లో ప్రచురించబడిన ఈ అధ్యయనం ప్రకారం, ఈ ప్రక్రియ 50 లక్షల సంవత్సరాల క్రితమే మొదలైనా, ఇప్పుడు వేగం పుంజుకుంది. శాస్త్రవేత్తలు భూకంప తరంగాలను (Seismic Waves) అధ్యయనం చేయగా, ప్లేట్ మధ్యలో 200-300 కిలోమీటర్ల పొడవైన 'చీలిక' (Rift) ఏర్పడుతున్నట్లు స్పష్టమైంది. ఈ చీలిక పెరిగితే, టిబెట్ పీఠభూమి,హిమాలయ శిఖరాల స్వరూపంలో భారీ మార్పులు సంభవించవచ్చు.

శాస్త్రవేత్తల హెచ్చరిక: 8 లేదా 9 తీవ్రతతో భూకంపాలు
అధ్యయనానికి నేతృత్వం వహించిన శాస్త్రవేత్త బ్రాడెన్ చౌ మాట్లాడుతూ, ఈ ప్లేట్ విచ్ఛిన్నం హిమాలయాల నిర్మాణంలో కొత్త దశ కావచ్చు, కానీ దీని వల్ల 8 లేదా 9 తీవ్రతతో భారీ భూకంపాలు సంభవించే ప్రమాదం ఉందని హెచ్చరించారు. కొలరాడో యూనివర్సిటీ బృందం 20 ఏళ్ల డేటాను విశ్లేషించింది. టిబెట్ కింద ప్లేట్ దిగువ భాగం వేసవిలో ఐస్ క్రీమ్ కరిగినట్లుగా కరుగుతోందని, దీనివల్ల మాగ్మా (Magma) పైకి వచ్చి కొత్త అగ్నిపర్వతాలు ఏర్పడే అవకాశాలున్నాయని పేర్కొన్నారు.

భారతీయ భూవైజ్ఞానిక సర్వే (GSI) కి చెందిన డా. ఆర్కే సింగ్ మాట్లాడుతూ, హిమాలయాలు ఇప్పటికే అత్యంత భూకంప సున్నితమైన ప్రాంతం అని, ఈ చీలిక పెరిగితే ఢిల్లీ, ముంబై వంటి ప్రధాన నగరాలలో కూడా బలమైన ప్రకంపనలు వచ్చే అవకాశం ఉందన్నారు. ఈ మార్పు పూర్తి కావడానికి 10-20 లక్షల సంవత్సరాలు పట్టవచ్చని, అయితే చిన్న భూకంపాల సంఖ్య ఇప్పుడే పెరిగే అవకాశం ఉందని అధ్యయనం పేర్కొంది.

సాధారణ జీవితంపై ప్రభావం: 10 కోట్ల మందికి ముప్పు

• భూకంపాల ప్రమాదం: ప్రపంచంలోని పెద్ద భూకంపాలలో 80% హిమాలయ బెల్ట్‌లో సంభవిస్తాయి. ఈ విపత్తు సంభవిస్తే భారత్, నేపాల్, చైనాల్లో లక్షలాది ఇళ్లు కూలిపోవచ్చు ప్రాణ ఆస్తి నష్టం జరిగే ప్రమాదం ఉంది.2015 నేపాల్ భూకంపంలో 9,000 మంది మరణించారు.
• వరదలు: మాగ్మా పైకి రావడం, హిమనీనదాలు కరగడం వల్ల గంగా-బ్రహ్మపుత్ర నదుల్లో భారీ వరదలు సంభవించవచ్చు.
• మానవ జీవితం: హిమాలయ ప్రాంతంలో 10 కోట్లకు పైగా ప్రజలు నివసిస్తున్నారు. ఢిల్లీ-ఎన్‌సీఆర్ వరకు ప్రకంపనలు నమోదైతే, దేశ ఆర్థిక వ్యవస్థకు లక్ష కోట్ల నష్టం వాటిల్లే ప్రమాదం ఉంది.

భారత్ సన్నాహాలు ఏంటి..?
భారత ప్రభుత్వం GSIకి మరిన్ని నిధులు కేటాయించింది. నేషనల్ సెంటర్ ఫర్ సిస్మాలజీ (NCS) ఇప్పుడు టిబెట్ సరిహద్దు ప్రాంతంలో 50 కొత్త సెన్సార్లను ఏర్పాటు చేయనుంది. ఈ ప్రాంతం చైనా ఆధీనంలో ఉన్నందున, డేటా షేరింగ్ మరియు సహకారం గురించి చైనా ప్రభుత్వంతో చర్చలు జరుగుతున్నట్లు సమాచారం.

ఈ భూమి మార్పు అనేది ప్రకృతి యొక్క సహజ చక్రంలో భాగమే అయినప్పటికీ, ఈ సకాలంలో అందిన హెచ్చరికల వల్ల మనం అప్రమత్తంగా ఉండి, నష్టాన్ని తగ్గించుకోవచ్చని శాస్త్రవేత్తలు చెబుతున్నారు. ప్రపంచ శాస్త్రవేత్తలందరూ ఈ కీలక పరిణామంపై ఇప్పుడు నిశితంగా దృష్టి సారిస్తున్నారు

English summary

Scientists Discover Indian Tectonic Plate Splitting into Two Beneath Tibet at 100 km depth. The rift threatens to trigger 8-9 magnitude earthquakes and major geological shifts in the Himalayas.