తెలంగాణస్టేట్‌మెంట్లు

By Staff

| Published: Sunday, October 2, 2005, 23:53 [IST]

హోంపేజి టాక్‌ ఆఫ్‌ టుడే రాజకీయాలు 21-05-2005

హైదరాబాద్‌:రాజకీయాలు ఎంత సిగ్గుమాలినవో తెలిపేఉదంతాలివి. అదిగో తెలంగాణతెలంగాణ వచ్చుడో కెసిఆర్‌ సచ్చుడోఅని ఇష్టం వచ్చినట్టు మాట్లాడిన చంద్రశేఖరరావు ఇప్పుడునోరుమెదపడంలేదు. తెలంగాణవ్యవహారాన్ని ప్రణబ్‌ ముఖర్జీయే చూసుకుంటారనిసోనియా గాంధీ చెప్పితప్పుకున్నారు. సోనియాగాంధీ తమకుతెలంగాణ రాష్ట్రం ఏర్పాటు చేయిస్తాననిహామీ ఇచ్చినట్టు గతంలో చెప్పుకున్న చంద్రశేఖరరావు,నరేంద్రలకు ఆదెబ్బతో మొహం చెల్లకుండా పోయింది.తెలంగాణ విషయంలో ఎటువంటి పురోగతిసాధించకుండా మరో ఆరు నెలలు మంత్రిపదవుల్లో గడిపితే చంద్రశేఖరరావు,నరేంద్రలనుతెలంగాణ వాదులు చొక్కా పట్టుకుని నిలదీసేఅవకాశముంది. రెండో ఎస్సార్సీకి ఒప్పుకునిఉంటే ఇప్పటికే తెలంగాణ రాష్ట్రంఏర్పడి ఉండేదని జి.వెంకటస్వామి అంటారు.తెలంగాణ వచ్చి తీరుతుందని ఇటీవలఒక బహిరంగ సభలో సెలవిచ్చారు. ఎవరిని నమ్మాలి?ఎవరిని నమ్మకూడదు?

సమైక్యాంధ్రకుకట్టుబడి ఉన్న తెలుగుదేశం పార్టీ మరోపక్క టిఆర్‌ఎస్‌ నాయకుల మీద దుమ్మెత్తిపోస్తోంది. తెలంగాణ రాష్ట్రం ఏర్పడదని,చంద్రశేఖరరావుకుతెలుసని, కల్లబొల్లి కబుర్లతో ఆయనకాలం గడుపుకుంటున్నారని ఈ ప్రాంతానికి చెందిన టిడిపినాయకులు దేవేందర్‌గౌడ్‌, కడియం శ్రీహరివిరుచుకుపడుతున్నారు. కెసిఆర్‌మీదకు తెలంగాణకు చెందిన బలహీనవర్గాలనాయకులను రెచ్చగొట్టడం తెలుగుదేశం ఒకవ్యూహం ప్రకారం చేస్తున్నదే.తెలంగాణపై సోనియాగాంధీ కప్పదాటు ధోరణి ప్రదర్శించినప్పటినుంచి ఇకతెలంగాణ రాదులెమ్మనితెలుగుదేశం నాయకులురెచ్చిపోతున్నారు.

తెలంగాణపైకాంగ్రెస్‌ నాయకులది తలొక మాట.రెండో ఎస్సార్సీ తెలంగాణ విషయాన్నితేల్చుతుందని, అధిష్టానవర్గం ఆలోచనకూడా ఇదేనని ముఖ్యమంత్రి వైఎస్‌రాజశేఖరరెడ్డి పదే పదే చెబుతున్నారు. వెంకటస్వామిమాత్రంతెలంగాణ వచ్చి తీరుతుందంటున్నారు.పిసిసి అధ్యక్షుడు కాక ముందుతెలంగాణ రాష్ట్రానికి అనుకూలంగాప్రకటనలు చేసిన కేశవరావు పదవివచ్చాక తేలుకుట్టిన దొంగ అయ్యారు.ఇక కొందరు రాజకీయ నాయకులు కొత్తడిమాండ్‌ తీసుకొచ్చారు. హైదరాబాద్‌,రంగారెడ్డి జిల్లాలను కలిపి ఒకరాష్ట్రంగా ఏర్పాటు చేయాలన్నది ఆ డిమాండ్‌.పనిలేని రాజకీయ నాయకులుపిల్లితల గొరగడమంటే ఇదేనేమో. వీరిప్రకటనలతో, ప్రతి విమర్శలతో మీడియాసాధనాలు నిండిపోతున్నాయి.