చిరంజీవీ భవ!brచిరంజీవి ప్రవర్తనలో పెను మార్పు... రాజకీయాల్లో పెద్ద మార్పు.....

హైదరాబాద్: చిరంజీవి ఇప్పుడు పూర్తి స్ధాయిలో రాజకీయాల్లోకి వచ్చారు. ఆయన అందరినీ కలుపుకుని పోయే ఆలోచనలో ఉన్నారు. ఆ పద్ధతిని అనుసరిస్తున్నారు. హీరోగా చిరంజీవి వ్యక్తిగతమైన విషయాలను గమనించిన సినిమా రంగ ప్రముఖులకు ఆదివారం చిరంజీవి విలేకరుల సమావేశంలో అనుసరించిన వైఖరి మింగుడు పడకుండా ఉంది. చిరంజీవి సినిమా విలేకరులను అసలు లెక్కచేసేవారు కాదు. ఆ రంగాన్ని బట్టి సినిమా విలేకరులలో సమర్ద్గులు ఉన్నప్పటికీ ఎదురు ప్రశ్నించలేని పరిస్ధితి. ఇప్పుడు పరిస్ధితులు మారిపోయాయి.

పొలిటికల్ జర్నలిస్టులను తాను ఎదుర్కోవలసి వస్తుందన్న విషయం గ్రహించి చిరంజీవి వారు ఎటువంటి క్రిటికల్ ప్రశ్నలు అడిగినా అందుకు సంసిద్ధమైనట్టుగా, ఎంతో ఆత్మ విశ్వాసాన్ని కూడగట్టుకున్నట్టుగా ప్రవరిస్తున్నారు. ప్రతిరోజూ ఆయన పొలిటికల్ విలేకరుల ఎదుట ఏదో ఒక విషయం చెప్పడం గొప్ప విషయమే. చిరంజీవి తనదైన సినిమా వలయం నుంచి బయట పడి సామాజిక, రాజకీయ చట్రంలోకి రావడం గొప్ప విషయం. రాజకీయాల ద్వారా సమాజిక సేవ చేయాలన్న తపన ఆయనలో కనిపిస్తోంది.

ఆయన పార్టీని ఇతరులు దుర్వినియోగం చేయకపోతే చిరంజీవి రాష్ట్ర ప్రజల భవిష్యత్తును ఎంతో కొంత బంగారంగా మారుస్తారనడంలో సందేహంలేదు. ఒక అభిప్రాయానికి రావడానికి ఒక వారం రోజులు ఆగుదాం. మెరుగైన సమాజంకోసం ఆశించే మనం మరికొన్ని రోజులు వేచి ఉందాం. కొత్తవారైనా తప్పులు చేస్తే చక్కగా విమర్శించడానికి వెనుకాడం మనం.