• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఒకేసారి చిరు, రాహుల్ మన్మోహన్ టీమ్‌లోకి

By Pratap
|

Rahul Gandhi-Chiranjeevi
న్యూఢిల్లీ: ప్రధాని డాక్టర్ మన్మోహన్ సింగ్ తన మంత్రివర్గాన్ని త్వరలో పునర్వ్యస్థీకరించే ఆలోచనలో ఉన్నారు. వర్షాకాలం పార్లమెంటు సమావేశాలు ముగిసిన వెంటనే ఈ మంత్రివర్గ విస్తరణ జరగవచ్చునని అంటున్నారు. బహుశా, అది సెప్టెంబర్ 6వ తేదీన ఉండవచ్చు. ఈ సమయంలో ఆంధ్రప్రదేశ్‌కు చెందిన రాజ్యసభ సభ్యుడు చిరంజీవితో పాటు రాహుల్ గాంధీ ప్రధాని డాక్టర్ మన్మోహన్ సింగ్ టీమ్‌లో చేరిపోతారని ఊహాగానాలు చెలరేగుతున్నాయి.

పలు శాఖలు ప్రస్తుతం ఖాళీగా ఉన్నాయి. విలాస రావు దేశ్‌ముఖ్ మృతి, అవినీతి ఆరోపణలతో వీరభద్ర సింగ్ రాజీనామా, ప్రణబ్ ముఖర్జీ రాష్ట్రపతి కావడం వంటి కారణాల వల్ల మంత్రివర్గంలో ఖాళీలు ఏర్పడ్డాయి. మనీష్‌ తివారీ, ఆస్కార్ ఫెర్నాండేజ్‌, జనార్దన ద్వివేది, ఏఐసీసీ ప్రధాన కార్యదర్శి విలాస్‌ ముత్తెంవార్‌ క్యాబినెట్ రేసులో ఉన్నట్లు ప్రచారం సాగుతోంది.

ఈసారి మంత్రివర్గం విస్తరణలో రాష్ట్రపతి పదవి కోసం పోటీపడిన తన తండ్రి సంగ్మాకు ప్రచారం చేసిన అగాథా సంగ్మాపై వేటు పడబోతున్నట్లు తెలుస్తోంది. ఈ స్థానాన్ని ఎన్సీపి తమ కోసం అడిగే అవకాశాలున్నాయి. విదేశీవ్యవహారాల శాఖామంత్రి నుంచి ఎస్‌ఎం కృష్ణ ఉద్వాసన పలుకుతారని జోరుగా ఊహాగానాలు వినిపిస్తున్నాయి.

కాగా, డిఎంకె విషయంలో కాంగ్రెసు సమస్యను ఎదుర్కుంటున్నట్లు తెలుస్తోంది. కరుణానిధి ముద్దుల కూతురు కనిమొళిని మంత్రివర్గంలోకి తీసుకోవాలని డిఎంకె అడుతున్నట్లు చెబుతున్నారు. అప్పుడు ఏం చేయాలనేది ప్రధానికి పాలుపోని సమస్యగా మారే అవకాశం ఉంది. కొత్త ముఖాలకు, యువకులకు ఈ సారి మంత్రివర్గ విస్తరణలో అవకాశాలు లభించవచ్చునని అంటున్నారు.

సాధారణ ఎన్నికలకు కేవలం 18 నెలల వ్యవధి మాత్రమే ఉంది. ఎన్నికలకు ముందు ఇదే చివరి మంత్రివర్గ విస్తరణ కావచ్చు. అందువల్ల ఎన్నికలను దృష్టిలో పెట్టుకుని మంత్రివర్గ విస్తరణ చేయాలనే ఆలోచనలో కాంగ్రెసు అధ్యక్షురాలు సోనియా గాంధీ ఉన్నట్లు చెబుతున్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
It is said that Congress Rajyasabha member Chiranjeevi along with Rahul Gandhi may join in PM Manmohan Singh cabinet soon. It is said that Manmohan mat reshuffle his cabinet in September.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more