• search
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

జగన్‌తో సంబంధాలపై కాంగ్రెసు డైలమా..

By Pratap
|
YS Jagan
న్యూఢిల్లీ: వైయస్సార్ కాంగ్రెసు పార్టీ అధ్యక్షుడు వైయస్ జగన్‌తో సంబంధాలపై కాంగ్రెసు పార్టీ అధిష్టానం ఇంకా డైలమాలోనే ఉన్నట్లు తెలుస్తోంది. ముఖ్యమంత్రి కిరణ్ కుమార్ రెడ్డి ఢిల్లీ పర్యటనలో ఈ విషయం బయటపడింది. పార్టీని బలోపేతం చేసి, వచ్చే ఎన్నికలకు సంసిద్ధం చేయడానికి తాను చేస్తున్న ప్రయత్నాలను ముఖ్యమంత్రి కిరణ్ కుమార్ రెడ్డి అధిష్టానం పెద్దలకు వివరించారు. ముఖ్యమంత్రి చెప్పిన విషయాలను వినడానికే ఎక్కువగా అధిష్టానం పెద్దలు సమయం వెచ్చించారు. వారి మాటగా తెలంగాణపై గానీ, జగన్‌తో సంబంధాలపై గానీ వారు ఏమీ చెప్పలేదని సమాచారం.

వైయస్ జగన్‌పై కేసుల విషయంలో మాత్రం కఠినంగానే వ్యవహరించాలని మాత్రం చెప్పినట్లు సమాచారం. జగన్‌తో సంబంధాలను పెట్టుకునే ఆలోచన చేయకూడదని, జగన్‌ను రాజకీయంగా కూడా ఎదుర్కోవాలని వి. హనుమంతరావు వంటి కొంత మంది కాంగ్రెసు నాయకులు వాదిస్తుండగా, ఎన్నికల ఫలితాలు వచ్చే వరకు జగన్‌ పట్ల పూర్తి శుత్రవైఖరితో వ్యవహరించుకూడదని మరో వర్గం వాదిస్తోంది. జగన్‌ను రాజకీయ శత్రువుగా కూడా భావించి, కట్టడి చేసేందుకు పూనుకోవాలని, వైయస్సార్ కాంగ్రెసు పార్టీపై తీవ్రంగా విమర్శలు ఎక్కుపెట్టాలని సూచిస్తున్న నాయకులు ఎక్కువ మంది తెలంగాణకు చెందినవారు కావడం విశేషం.

సీమాంధ్ర నాయకులు మాత్రం వైయస్సార్ కాంగ్రెసు పట్ల శత్రువైఖరి ప్రదర్శించకుండా, మెత్తగానే వ్యవహరించాలని వాదిస్తున్నవారిలో ఎక్కువ మంది సీమాంధ్ర నాయకులు ఉన్నారు. ఈ స్థితిలో కాంగ్రెసు అధిష్టానం వైయస్ జగన్‌తో వ్యవహరించాల్సిన పద్ధతిపై డైలమాలో పడినట్లు చెబుతున్నారు. కాంగ్రెసుతో స్నేహానికి ఒప్పించేందుకు వైయస్ రాజశేఖర రెడ్డి ప్రియమిత్రుడు కెవిపి రామచందర్ రావు ద్వారా సబ్బం హరి మధ్యర్తిత్వం నెరిపినట్లు ఇటీవల వార్తలు వచ్చిన విషయం తెలిసిందే.

అవినీతి ఆరోపణల విషయంలో కఠినంగా వ్యవహరిస్తూ వైయస్ జగన్‌తో స్నేహ సంబంధాలను మెరుగు పరుచుకోవడం సాధ్యమవుతుందా అనే ప్రశ్న కూడా ఉదయిస్తోంది. అవినీతి ఆరోపణలకు సంబంధించిన కేసులకు రాజకీయ వ్యవహారాలను ముడిపెట్టి వైయస్సార్ కాంగ్రెసు పార్టీ చూస్తోంది. ఏమైనా, జగన్ విషయంలో ఎలా వ్యవహరించాలనే విషయం కూడా తెలంగాణతో పాటు తేలనున్నట్లు సమాచారం.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

lok-sabha-home

English summary
It is sai that Congress high comman is still in dilemma regarding the relationship with YSR Congress party president YS Jagan.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more