వాస్తు ప్రకారం ఇంట్లో 2 బీరువాలంటే.. ఏం చేయాలంటే..

వాస్తు ఇంటికే కాకుండా మన ఇంట్లో ఉన్న వస్తువులకు కూడా వర్తిస్తుంది. ఏ వస్తువు ఏ దిక్కులో ఉండాలి? ఏ దిక్కులో ఉంటే కలిసివస్తుంది? లేదంటే నష్టాలు వస్తాయనే విషయాన్ని వాస్తు నిపుణులు చెబుతారు. అలాగే కొందరి ఇళ్ల్లో 2 బీరువాలుంటాయి. అయితే వాటిని ఎక్కడ పెట్టుకోవాలి? ఏ దిక్కులో ఉంచాలి? తదితర విషయాలు చాలామందికి తెలియదు. అయితే రెండు బీరువాలున్నప్పుడు ఎటువంటి నియమాలుండాలనే వివరాలను తెలుసుకుందాం.

బీరువా ఎప్పుడూ ఇంట్లో నైరుతి మూల ఉండాలి.
ఒక బీరువా ఉంటే బెడ్ రూం నైరుతి మూలలో పెట్టుకోండి.
ఇంకో బీరువా ఉంటే హాల్ లో పెట్టుకోవచ్చు.
లేదంటే మరో గదిలోనైనా పెట్టుకోవచ్చు.
ఎక్కడ పెట్టుకున్నా నైరుతి మూలలో ఉండాలి.
నైరుతి మూలలో స్థలం లేకపోతే మధ్య దక్షిణ, మధ్య పశ్చిమంలో పెట్టుకోవాలి.
అలా పెట్టినప్పుడే ఎటువంటి దోషాలు అంటవు.

డబ్బులు, నగలు పెట్టే బీరువా దక్షిణం గోడకు ఆనుకోవాలి.
ఈ బీరువా ఉత్తరంవైపు చూస్తున్నట్లుగా ఉండాలి.
రెండో బీరువాను సాధారణ వస్తువులకు వాడుతుంటే మాత్రం
వాయువ్యం లేదంటే దక్షిణం వైపు గోడలకు పెట్టుకోవాలి.
ఒకవేళ రెండో బీరువా కూడా బెడ్ రూంలోనే ఉంటే,
నైరుతి మూలలో ఉన్న బీరువా కంటే కొంచెం ఎత్తు తక్కువగా ఉండేలా చూసుకోవాలి.

గది తలుపులకు ఎదురుగా బీరువా పెడితే మానసికంగా ప్రశాంతతను కోల్పోతారు.
ఆ ఇంట్లో లక్ష్మీదేవి నిలవదు.
బీరువాను గోడకు పూర్తిగా ఆనివ్వకూడదు.
కనీసం రెండు నుంచి మూడు అంగుళాల స్థలం వదలాలి.

డబ్బులు దాచుకునే బీరువా తలుపుకు అద్దం ఉంటే ఎదురుగా ఉన్న మంచాన్ని చూపించకూడదు.
బెడ్ రూపంలో బీరువా అద్దం అనేది మంచంవైపు ఉండకూడదు.
నైరుతి మూలలో ఉండే ప్రధాన బీరువా కింద చిన్న పీట లేదా స్టాండ్ వేసి భూమికి కొంచెం ఎత్తులో ఉంచడం చాలా మంచిది.
బీరువా లోపల ఉత్తర దిశలో ఒక చిన్న అద్దాన్ని అమర్చడం వల్ల డబ్బు బాగా వస్తుందని నమ్మకం.

English summary

According to Vastu Shastra, if there are two wardrobes in the house, one should be in the southwest corner of the bedroom, and the other should be in the hall. Alternatively, it can be placed in another room