Microsoft-Google: మైక్రోసాఫ్ట్-గూగుల్ వార్ లో బిగ్ ట్విస్ట్..! అమెరికా ట్రేడ్ కమిషన్ ఎంట్రీ..!
ఎంటర్ ప్రైజ్ కంప్యూటింగ్ లో మైక్రోసాఫ్ట్ గుత్తాధిపత్యంపై గతంలో గూగుల్ ఇచ్చిన ఫిర్యాదు ఆదారంగా అమెరికా ఫెడరల్ ట్రేడ్ కమిషన్ విచారణకు రంగంలోకి దిగింది.
అంతర్జాతీయ టెక్ దిగ్గజ సంస్థలు గూగుల్ (google), మైక్రోసాఫ్ట్ (microsoft) మధ్య గుత్తాధిపత్య పోరు పెరుగుతోంది. మైక్రోసాఫ్ట్ తమ క్లౌడ్ సాఫ్ట్వేర్ మరియు కోపైలట్ వంటి ఏఐ (కృత్రిమ మేధస్సు) సేవలతో ఎంటర్ప్రైజ్ కంప్యూటింగ్ మార్కెట్లోని పెద్ద భాగాన్ని అక్రమంగా గుత్తాధిపత్యం చేస్తోందన్న ఫిర్యాదుల నేపథ్యంలో అమెరికా ప్రభుత్వం పెద్ద షాకిచ్చింది. దీంతో అమెరికా ఫెడరల్ ట్రేడ్ కమిషన్ రంగంలోకి దిగి దర్యాప్తు ప్రారంభించింది.
మైక్రోసాఫ్ట్ పై గూగుల్ ఫిర్యాదు (microsoft-google)
2024 సెప్టెంబర్లో గూగుల్ యూరోపియన్ కమిషన్కు మైక్రోసాఫ్ట్పై ఫిర్యాదు చేసింది. మైక్రోసాఫ్ట్ తన శక్తివంతమైన విండోస్ సర్వర్ ఆపరేటింగ్ సిస్టమ్ను పోటీని అడ్డుకోవడానికి దుర్వినియోగం చేస్తోందని గూగుల్ ఆరోపించింది. మైక్రోసాఫ్ట్ యొక్క పోటీ వ్యతిరేక పద్ధతులు వినియోగదారులను వారి అజూర్ క్లౌడ్ ప్లాట్ఫారమ్కు ఇబ్బందిగా మారినట్లు గూగుల్ ఫిర్యాదు చేసింది.2025 నవంబర్లో గూగుల్ తమ యూరోపియన్ యూనియన్ యాంటీట్రస్ట్ ఫిర్యాదును వెనక్కి తీసుకుంది. మైక్రోసాఫ్ట్ క్లౌడ్ కంప్యూటింగ్ పద్ధతులపై యూరోపియన్ రెగ్యులేటర్లు దర్యాప్తు ప్రారంభించిన ఒక వారం తర్వాత ఈ పరిణామం చోటుచేసుకుంది.
మైక్రోసాఫ్ట్ పై ఒత్తిడి
క్లౌడ్ రంగంలో సమస్యలను సృష్టిస్తున్న పద్ధతులను ఈయూ కమిషన్ ఒక ప్రత్యేక ప్రక్రియ కింద అంచనా వేస్తుందని ప్రకటించిన నేపథ్యంలో తాము ఫిర్యాదును ఉపసంహరించుకుంటున్నట్లు గూగుల్ క్లౌడ్ యూరప్ ప్రభుత్వ వ్యవహారాలు, పబ్లిక్ పాలసీ హెడ్ జార్జియా అబెల్టినో బ్లాగ్ పోస్ట్లో తెలిపారు. మరోవైపు మైక్రోసాఫ్ట్ తమ క్లౌడ్ విధానాలపై స్పందిస్తూ... కొన్ని ఉత్పత్తులు ప్రత్యర్థి క్లౌడ్లతో పూర్తిగా పరస్పరం పనిచేయవని, ఎందుకంటే కొన్ని ఫీచర్ల వెనుక ఉన్న సాంకేతికత భిన్నంగా ఉంటుందని పేర్కొంది. అలాగే వరుస హానికరమైన హ్యాక్లు తమ ప్రధాన ఉత్పత్తులలో మరింత పటిష్టమైన భద్రతా లక్షణాలను అందించడానికి మైక్రోసాఫ్ట్పై ఒత్తిడిని పెంచాయి.
ఫెడరల్ ట్రేడ్ కమిషన్ విచారణ
ఈ నేపథ్యంలో మైక్రోసాఫ్ట్తో వ్యాపార సాఫ్ట్వేర్, క్లౌడ్ కంప్యూటింగ్ మార్కెట్లలో పోటీ పడుతున్న అనేక కంపెనీలకు అమెరికా ఫెడరల్ ట్రేడ్ కమిషన్.. పౌర దర్యాప్తు ఆదేశాలను (సివిల్ ఇన్వెస్టిగేటివ్ డిమాండ్స్) జారీ చేసింది. ఈ కంపెనీలతో ఒక రహస్య దర్యాప్తుపై చర్చించేందుకు మైక్రోసాఫ్ట్ లైసెన్సింగ్, ఇతర వ్యాపార పద్ధతులపై వారిని అనేక ప్రశ్నలు అడిగింది. మైక్రోసాఫ్ట్ తమ విండోస్, ఆఫీస్ వంటి ఉత్పత్తులను ప్రత్యర్థి క్లౌడ్ సర్వీసుల్లో ఉపయోగించడం వినియోగదారులకు కష్టతరం చేస్తోందా అని ఎఫ్టీసీ ఆధారాలు సేకరిస్తోంది. అలాగే, మైక్రోసాఫ్ట్ కృత్రిమ మేధస్సు, భద్రత, ఐడెంటిటీ సాఫ్ట్వేర్లను విండోస్, ఆఫీస్ వంటి ఇతర ఉత్పత్తులతో కలిపి బండ్లింగ్ చేయడంపై కూడా సమాచారం కోరుతోంది. ఈ దర్యాప్తు ప్రస్తుతం ఎఫ్టీసీ చైర్మన్ ఆండ్రూ ఫెర్గూసన్ ఆధ్వర్యంలో జరుగుతోంది.
Click it and Unblock the Notifications
Sign in with Google