ప్రముఖ యువ నటుడు ఆత్మహత్య: 30 ఏళ్లకే లోకానికి వీడ్కోలు!
దక్షిణాది సినీ పరిశ్రమకు చెందిన ప్రముఖ మలయాళ నటుడు అఖిల్ విశ్వనాథ్ 30 ఏళ్ల వయసులో ఆత్మహత్య చేసుకున్నారు. డిసెంబర్ 11న కేరళలోని తన నివాసంలో ఆయన మృతదేహం లభ్యం కావడంతో సినీ ఇండస్ట్రీలో, ఆయన అభిమానుల్లో తీవ్ర విషాదం నెలకొంది. ప్రముఖ నటుడు అఖిల్ విశ్వనాథ్ మృతదేహం కేరళలోని ఆయన ఇంట్లో లభించింది. నివేదికల ప్రకారం, ఆయన ఇంట్లో ఉరేసుకుని ఆత్మహత్య చేసుకున్నారు.
అఖిల్ తల్లి గీత పనికి వెళ్లి తిరిగి ఇంటికి వచ్చినప్పుడు ఈ విషాదకర దృశ్యాన్ని చూసి తీవ్ర దిగ్భ్రాంతికి లోనయ్యారు. అఖిల్ విశ్వనాథ్ మరణానికి గల కారణాలపై ఇంకా అధికారిక ప్రకటన వెలువడనప్పటికీ, ప్రాథమిక నివేదికలు దీనిని ఆత్మహత్యగానే పేర్కొంటున్నాయి. ఆయన మరణానికి గల కారణాలు ఇంకా తెలియరాలేదు.
అఖిల్ గత కొంతకాలంగా అనేక సమస్యలతో పోరాడుతున్నట్లు తెలుస్తోంది. నటుడిగా కొనసాగుతూనే, కుటుంబ ఆర్థిక భారాన్ని మోయడానికి ఆయన ఒక మొబైల్ షాప్లో పార్ట్టైమ్ ఉద్యోగం కూడా చేసేవారు. అయితే గత కొద్ది రోజులుగా ఆయన ఆ పనికి కూడా వెళ్లడం లేదని సమాచారం. కేవలం 3 నెలల క్రితం అఖిల్ తండ్రి చుంకల్ చెంచెరివల్లప్పిల్ ఒక రోడ్డు ప్రమాదంలో గాయపడి చికిత్స పొందుతున్నారు. ఈ వరుస ఘటనల కారణంగా అఖిల్ కుటుంబం తీవ్ర దుఃఖంలో ఉంది.
ఉత్తమ బాలనటుడిగా అవార్డు అందుకున్న అఖిల్
అఖిల్ విశ్వనాథ్ నటన జీవితం చిన్నప్పుడే మొదలైంది. ఆయన తన చిన్న తమ్ముడు అరుణ్తో కలిసి 'మంగళండి' అనే చిత్రంలో బాలనటుడిగా సినీరంగ ప్రవేశం చేశారు. ఈ చిత్రంలో వారి అద్భుత నటనకుగాను కేరళ రాష్ట్ర ప్రభుత్వం నుండి ఉత్తమ బాలనటుడి అవార్డును అందుకున్నారు. అఖిల్ విశ్వనాథ్ను 2019లో వచ్చిన మలయాళ చిత్రం 'చోళ (Chola)' ద్వారా ప్రధానంగా గుర్తుంచుకుంటారు. దర్శకుడు సనల్ కుమార్ శశిధరన్ రూపొందించిన ఈ సైకలాజికల్ డ్రామాలో అఖిల్ నటనకు విమర్శకుల ప్రశంసలు దక్కాయి. ఈ సినిమా కేరళ రాష్ట్ర చలనచిత్ర పురస్కారాలలో అనేక అవార్డులను గెలుచుకుంది.అఖిల్ ఆకస్మిక మరణం పట్ల సినీ ప్రముఖులు, అభిమానులు సోషల్ మీడియా ద్వారా సంతాపం తెలియజేస్తున్నారు.
Click it and Unblock the Notifications
Sign in with Google