ఎంగేజ్‌మెంట్‌కు ఎండ్ కార్డ్.. లవ్ స్టోరీకి సీక్వెల్?
టీమిండియా యువ క్రికెటర్ పృథ్వీ షా, ప్రముఖ ఇన్‌ఫ్లుయెన్సర్, నటి ఆకృతి అగర్వాల్‌ల బంధం అర్ధాంతరంగా ముగియడంపై సోషల్ మీడియాలో రకరకాల ఊహాగానాలు చక్కుర్లు కొడుతున్నాయి. ఈ ఏడాది మార్చి 8న వీరికి ఎంతో ఘనంగా ఎంగేజ్మెంట్ జరిగినప్పటికీ.. కొన్ని నెలల్లోనే పరస్పర అంగీకారంతో ఈ బంధానికి స్వస్తి పలికారు. తాజాగా ఓ ఇంటర్వ్యూలో ఆకృతి అగర్వాల్ తమ బ్రేకప్‌తో పాటు క్రికెటర్ తో ప్రస్తుత సంబంధాలపై సంచలన విషయాలను పంచుకున్నారు.
పృథ్వీ షాతో ఎంగేజ్మెంట్ రద్దయిన తర్వాక కూడా ఇద్దరి మధ్య మాటలు కొనసాగుతున్నాయా అని ప్రశ్నించగా.. "మేము ఇప్పటికీ అప్పుడప్పుడు మాట్లాడుకుంటాం. మా ఇద్దరి జీవితాల్లో ఏం జరుగుతుందో తెలుసుకుంటూ ఉంటాం. కేవలం మేమిద్దమే కాదు.. మా కుటుంబాలు కూడా ఒకరికొకరు ఎంతో దగ్గరయ్యాయి. నేటికీ పృథ్వీ షాకు మా కుటుంబంతో మంచి అనుబంధం ఉంది. ఈ బంధానికి నేను చాలా విలువ ఇస్తాను. ప్రస్తుతం మా దారులు వేరైనప్పటికీ.. అతడి జీవితంలో అంతా మంచి జరగాలని కోరుకుంటున్నాను" అని ఆకృతి అగర్వాల్ స్పష్టం చేశారు.
విడిపోవడానికి గల కారణాలను వివరిస్తూ.. తమ మధ్య ప్రేమ తగ్గలేదని ఆమె వెల్లడించారు. "మా మధ్య ప్రేమ లేదని అనుకోవద్దు, ఇప్పటికీ మేము ఒకరినొకరు ఎంతగానో ప్రేమిస్తాం, గౌరవించుకుంటాం. ఎందుకంటే మేమిద్దరం కలిసి ఓ అందమైన బంధాన్ని గడిపాం. కాకపోతే కొన్ని వ్యక్తిగత విషయాలు సర్దుబాటు కాకపోవడంతో ఈ నిర్ణయం తీసుకోవాల్సి వచ్చింది. అతను తన జీవితంలో మరింత ఎత్తుకు ఎదగాలని ఆశిస్తున్నాను" అని ఆకృతి అగర్వాల్ పేర్కొన్నారు.
అలాగే కేవలం ఫేమ్, డబ్బు కోసమే పృథ్వీ షాతో బంధాన్ని ఏర్పరచుకుందనే ట్రోల్స్‌ను ఆకృతి అగర్వాల్ తీవ్రంగా ఖండించారు. ఎవరైనా సరే డబ్బు చూసే సంబంధం కలుపుకోవాల్సిన అవసరం లేదని.. ప్రేమ, ఎదుటి వ్యక్తి చూపించే శ్రద్ధ, ఆప్యాయతలే ముఖ్యమని చెప్పారు. సెలబ్రిటీల ప్రైవేట్ లైఫ్ గురించి వచ్చే రూమర్లకు ఈ కామెంట్లతో ఆమె చెక్ పెట్టారు.
Prithvi Shaw's ex Aakriti finally spoke out about the public backlash and the rumors surrounding her broken engagement. She confirmed they still check in on each other occasionally because their families became deeply connected after the engagement. She directly addressed the accusations that she was only in the relationship for money and fame stating that a caring and loving nature matters far more than materialistic things. She explained that she was forced to address the situation publicly to stop false narratives as people were destroying her image over a social media post that wasn't originally even about him. It is crazy how fast the internet will build a completely toxic narrative about someone's personal life without knowing any of the actual facts.
— ᴅᴇᴀᴅ ᴋɪʟʟᴇʀ (@ReignOfBateman) October 11, 2026
Click it and Unblock the Notifications
Sign in with Google
