పెళ్లి కాకుండానే తల్లైన స్టార్ నటి..ఇక్కడే ఉంది అసలు ట్విస్ట్

సినీ ఇండస్ట్రీలో ప్రేమ, బ్రేకప్, విడాకులు, ఎఫైర్లు అనేవి సర్వ సాధారణం. కొంతమంది నటీనటులు తమ ప్రేమను పెళ్లి వరకు తీసుకు వెళ్లి సంసార జీవితాన్ని హాయిగా సాగిస్తుండగా, మరికొందరు భాగస్వామితో కలిసి ఉండలేక తమ వైవాహిక జీవితానికి గుడ్ బై చెబుతున్నారు. ఇది మన సౌత్ ఇండస్ట్రీతో పోలిస్తే.. నార్త్‌లో ఈ కల్చర్ కాస్తా ఎక్కువనే చెప్పాలి.

అక్కడ హీరో, హీరోయిన్ల మధ్య ఎఫైర్లు , బ్రేకప్‌లు అనేవి కామనే. అలాంటి చోట కూడా ఓ నటి తన గొప్ప మనస్సును చాటుకుంది. ఆ నటి పెళ్లి కాకుండానే ఓ పాపను దత్తత తీసుకుని వార్తల్లో నిలిచారు. దీనిపై పూర్తి వివరాల్లోకి వెళ్తే..సాక్షి తన్వర్ ఈ పేరు తెలుగు ప్రేక్షకులకు పెద్దగా తెలికపోవచ్చు కాని బాలీవుడ్‌లో సాక్షి బాగానే ఫేమస్.

సీరియల్స్ నటిగా ప్రస్థానం మొదలుపెట్టిన సాక్షి తన్వర్.. తరువాత కొన్ని సినిమాల్లో నటించింది. ముఖ్యంగా ''కహాని ఘర్ ఘర్ కి'' సీరియల్‌తో సాక్షి తన్వర్ విపరీతమైన క్రేజ్‌ను సంపాదించుకుంది. ఆ తరువాత పలు రియాల్టీ షోల్లో యాంకర్‌గా కూడా కనిపించారామె. అమీర్ ఖాన్ నటించిన దంగల్ సినిమాలో అతనికి జోడికి నటించి మెప్పించింది.

గ్రామీణ మహిళగా సాక్షి తన్వర్ నటనకు మంచి మార్కులే పడ్డాయి. ఇక సాక్షి తన్వర్ వ్యక్తిగత జీవితానికి వస్తే..ఆమె 1973లో రాజస్థాన్‌లో రాజ్ పుత్ ఫ్యామిలీ‌లో సాక్షి తన్వర్ జన్మించింది. ఆమె తండ్రి ఓ రిటైర్డ్ సీబీఐ ఆఫీసర్. నటన మీద ఆసక్తితో సినిమా రంగంవైపు ఆమె అడుగులు పడ్డాయి. సాక్షి తన్వర్ ప్రస్తుత వయసు 50 ఏళ్ళు.

కారణాలు తెలియవు కాని ఆమె పెళ్లికి మాత్రం దూరంగా ఉన్నారు. అయితే ఐదేళ్ల క్రితమే ఆమె ఓ పాపను దత్తత తీసుకుని పెంచుకుంటున్నారు. ఆమె తనకు 45 ఏళ్లు వయస్సు ఉన్నప్పుడే ఆ పాపను దత్తత తీసుకున్నట్టు తెలుస్తుంది. దీంతో ఆమె పెళ్లి కాకుండానే తల్లైందని కామెంట్స్ సోషల్ మీడియాలో వినిపిస్తున్నాయి.

English summary

Actress Sakshi Tanwar is a single mother of a baby girl. She adopted a daughter at the age of 45.