రూట్ మార్చిన మాస్ మహారాజా.. ఇరుముడి తర్వాత అలాంటి మూవీకి గ్రీన్ సిగ్నల్!

Ravi Teja Next Movie: మాస్ మహారాజా రవితేజ గురించి ప్రత్యేకంగా పరిచయం అవసరం లేదు. తనదైన ఎనర్జీ, కామెడీ టైమింగ్‌తో ప్రేక్షకులను అలరించే ఆయన.. ఇటీవల ఇరుముడి సినిమాతో ప్రేక్షకుల ముందుకు వచ్చారు. రవితేజ- శివ నిర్వాణ కాంబినేషన్‌లో తెరకెక్కిన ఈ సినిమా థియేటర్లలో బాక్సాఫీస్‌ను షేక్ చేసింది. మైత్రి మూవీ మేకర్స్ నిర్మించిన ఈ సినిమా రూ.250 కోట్లకు పైగా వసూళ్లతో సత్తా చాటింది. ఓటీటీలో కూడా దుమ్మురేపుతోంది. తాజాగా నెట్‌ఫ్లిక్స్ ప్రకటించిన గ్లోబల్ టాప్-10 నాన్-ఇంగ్లీష్ సినిమాల జాబితాలో టాప్ ప్లేస్‌లో నిలిచింది. ఇలాంటి భారీ విజయాన్ని అందుకున్న రవితేజ నెక్ట్స్ మూవీ ఏంటి? ఎలాంటి కథను ఎంచుకోబోతున్నారు? అనే ఆసక్తి అభిమానుల్లో మొదలైంది.

రవితేజ నెక్ట్స్ మూవీని దర్శకుడు వివేక్ ఆత్రేయతో చేయబోతున్నారట. మెంటల్ మదిలో, బ్రోచేవారెవరురా, అంటే సుందరానికి, సరిపోదా శనివారం వంటి సినిమాలతో వివేక్ ఆత్రేయ తనదైన మేకింగ్ స్టైల్‌ను చూపించారు. కామెడీ, ఎమోషన్, థ్రిల్ అంశాలను డిఫరెంట్ స్క్రీన్‌ప్లేతో కలిపి చెప్పడం ఆయన శైలి. ఇప్పుడు రవితేజతో చేయబోయే సినిమాలోనూ అదే తరహా కొత్తదనాన్ని చూపించేందుకు ప్రయత్నిస్తున్నారట. ఈ ప్రాజెక్ట్‌ను సాధారణ మాస్ యాక్షన్ మూవీకి భిన్నంగా హారర్ కామెడీ థ్రిల్లర్ జానర్‌లో తెరకెక్కించనున్నారనే ప్రచారం జరుగుతోంది. రవితేజ ఇప్పటివరకు కామెడీ, యాక్షన్, మాస్ ఎంటర్‌టైనర్ సినిమాల్లో తన ఎనర్జీతో ఆకట్టుకున్నారు.ఈ ప్రాజెక్ట్ హారర్ కామెడీ థ్రిల్లర్‌గా ఉండబోతుందనే టాక్ వినిపిస్తోంది.

టైటిల్‌పై ఆసక్తి
ఇక సినిమా టైటిల్ పై కూడా చర్చ జరుగుతోంది. ఈ సినిమాకు 'తులాభారం' అనే టైటిల్‌ను మేకర్స్ పరిశీలిస్తున్నారట. అచ్చ తెలుగు పదంతో ఉన్న ఈ టైటిల్ వినడానికి చాలా డిఫరెంట్‌గా ఉండటంతో సినిమాపై ఆసక్తి మరింత పెరిగింది. అయితే 'తులాభారం' టైటిల్‌ను చిత్రబృందం అధికారికంగా ఖరారు చేసిందా లేదా అనే విషయంపై ఇంకా స్పష్టత రావాల్సి ఉంది. వివేక్ ఆత్రేయ గత సినిమాల టైటిల్స్ కూడా కథకు డిఫరెంట్ గుర్తింపును తీసుకొచ్చాయి. ఇప్పుడు రవితేజ లాంటి మాస్ హీరో సినిమాకు 'తులాభారం' అనే టైటిల్ పెట్టడం వెనుక కథలో ఏదైనా స్పెషల్ కాన్సెప్ట్ ఉందా? అనే చర్చ మొదలైంది.

స్క్రిప్ట్ వర్క్ పూర్తయిందా?
ఫిల్మ్ నగర్ వర్గాల టాక్ ప్రకారం.. ఈ సినిమాకు సంబంధించిన స్క్రిప్ట్ పనులు ఇప్పటికే పూర్తయ్యాయని తెలుస్తోంది. ప్రస్తుతం ప్రీ-ప్రొడక్షన్ పనులు కొనసాగుతున్నట్లు సమాచారం. అన్నీ అనుకున్నట్లు జరిగితే దసరా సందర్భంగా ఈ ప్రాజెక్ట్‌ను పూజా కార్యక్రమాలతో లాంఛనంగా ప్రారంభించే అవకాశం ఉందనే టాక్ వినిపిస్తోంది. నిర్మాణ సంస్థ, ఇతర నటీనటులు, సాంకేతిక నిపుణులు, షూటింగ్ షెడ్యూల్ వంటి వివరాలపై మాత్రం ఇంకా అధికారిక సమాచారం రావాల్సి ఉంది.

ఇరుముడి తర్వాత మరో డిఫరెంట్ మూవీ
ఇటీవల 'ఇరుముడి'తో రవితేజ బాక్సాఫీస్ వద్ద భారీ విజయాన్ని అందుకున్నారనే ట్రేడ్ టాక్ నేపథ్యంలో.. ఆయన తదుపరి సినిమాలపై అంచనాలు పెరిగాయి. ఇప్పుడు వివేక్ ఆత్రేయతో హారర్ కామెడీ థ్రిల్లర్ చేయనున్నారనే వార్త ఆ ఆసక్తిని మరింత పెంచుతోంది. రవితేజ మార్క్ ఎనర్జీ, కామెడీ టైమింగ్‌కు వివేక్ ఆత్రేయ డిఫరెంట్ స్క్రీన్‌ప్లే తోడైతే సినిమా ఎలా ఉండబోతుందనే ఆసక్తి నెలకొంది. ఈ ప్రాజెక్ట్ పై మూవీ మేకర్స్ నుంచి అధికారిక ప్రకటన వస్తే మరింత స్పష్టత వచ్చే అవకాశం ఉంది.