బన్నీ మూవీలో ఐదుగురు భామలా? అట్లీ స్కెచ్ మామూలుగా లేదుగా!
ఐకాన్ స్టార్ అల్లు అర్జున్, మాస్ డైరెక్టర్ అట్లీ క్రేజీ కాంబినేషన్లో రాబోతున్న భారీ పాన్ ఇండియా ప్రాజెక్టు గురించి వస్తున్న అప్ డేట్స్ నెట్టింట సంచలనాన్ని సృష్టిస్తున్నాయి. ఈ పాన్ ఇండియా సినిమాపై అంచనాలు ఆకాశాన్ని తాకుతున్నాయి. తాజాగా ఈ ప్రాజెక్టులోకి బాలీవుడ్ స్టార్ హీరోయిన్ అనుష్క శర్మ వచ్చి చేరినట్లు తెలుస్తోంది. ఇప్పటి ఈ సినిమా కాస్టింగ్ విషయంలో సోషల్ మీడియా భారీ చర్చ నడుస్తుండగా.. అనుష్క ఎంట్రీతో ఈ బజ్ మరింత పెరిగింది. కేవలం ఒకరు లేదా ఇద్దరు హీరోయిన్లు ఉంటేనే ఆ క్రేజ్ వేరుగా ఉంటుంది. అలాంటిది ఈ సినిమాలో ఏకంగా ఐదుగురు స్టార్ హీరోయిన్లు నటించబోతున్నారనే ప్రచారం ఈ సినిమాపై అంచనాలను భారీగా పెంచింది.
ముగ్గురు కాదు.. నలుగురు కాదు.. ఏకంగా ఐదుగురు!
ప్రస్తుతం అందుతున్న సమాచారం ప్రకారం.. ఈ సినిమాలో దీపికా పదుకొణె, రష్మిక మందన్న, మృణాల్ ఠాకూర్, జాన్వీ కపూర్ ఇప్పటికే ఖరారయ్యారని తెలుస్తోంది. ఇప్పుడు వీరి జాబితాలోకి అనుష్క శర్మ కూడా వచ్చి చేరితే.. ఇండియన్ సినిమా చరిత్రలోనే ఇదొక బిగ్గెస్ట్ కాస్టింగ్ అవుతుంది. అట్లీ తన గత చిత్రాల్లో కూడా ఒకటి కంటే ఎక్కువ మంది హీరోయిన్లను పెట్టి సక్సెస్ అయ్యాడు. అయితే ఒకే సినిమాలో ఐదుగురు స్టార్ హీరోయిన్లను మేనేజ్ చేయడం అంటే అది మామూలు విషయం కాదు. అందుకే అట్లీ ఏదో ఒక భారీ మల్టీ డైమెన్షనల్ కథను సిద్ధం చేస్తున్నారని అభిమానులు భావిస్తున్నారు.
అనుష్క శర్మ గ్రాండ్ కమ్ బ్యాక్
చాలా కాలంగా వెండితెరకు దూరంగా ఉంటూ.. కేవలం తన వ్యక్తిగత జీవితానికే పరిమితమైన అనుష్క శర్మకు ఈ ప్రాజెక్టు ఓ పర్ఫెక్ట్ కమ్ బ్యాక్ అవుతుందని సినీ విశ్లేషకులు చెబుతున్నారు. బాలీవుడ్ ప్రేక్షకుల్లో అనుష్కకు ఉన్న ఫాలోయింగ్, క్రేజ్ ఈ సినిమాకు ఉత్తరాదిలో భారీ ఓపెనింగ్స్ సాధించడానికి ఉపయోగపడతాయి. అట్లీ సినిమాల్లో హీరోయిన్ల పాత్రలు కేవలం పాటలకే పరిమితం కాకుండా స్టోరీలో కీలక ప్రాధాన్యత కలిగి ఉంటాయి. అందుకే అనుష్క శర్మ వంటి స్టార్ హీరోయిన్ ఈ ప్రాజెక్టును ఒప్పుకుందంటే.. ఆమె పాత్రలో ఏదో ఒక ప్రత్యేకత ఉండే ఉంటుందని ట్రేడ్ నిపుణులు అంచనా వేస్తున్నారు.
ఉత్తరాది మార్కెట్ లక్ష్యం
ఈ క్రేజీ కాస్టింగ్ వెనుక ఓ పక్కా వ్యాపార వ్యూహం కనిపిస్తోంది. దీపికా పదుకొణె, అనుష్క శర్మ, జాన్వీ కపూర్ వంటి బాలీవుడ్ స్టార్లను తీసుకోవడం ద్వారా ఈ సినిమాను పాన్ ఇండియా లెవెల్లో ముఖ్యంగా హిందీలో ఓ భారీ ఈవెంట్లా మార్చాలని చిత్రబృందం ప్లాన్ చేస్తున్నట్లు కనిపిస్తోంది. అయితే కేవలం బాలీవుడ్ మార్కెట్ కోసమే ఇంతమందిని తీసుకుంటున్నారా అని కొందరు నెటిజన్లు ప్రశ్నిస్తున్నారు. ఇంతమంది స్టార్లు ఉన్నప్పుడు, ప్రతి ఒక్కరికి సరైన ప్రాధాన్యత కలిగిన పాత్రలు లభిస్తాయా? ఎవరికి ఎంత సమయం కేటాయిస్తారు? అనే సందేహాలు వ్యక్తమవుతున్నాయి.
బన్నీ మేనియా
హీరోయిన్లు ఎంతమంది ఉన్నా ప్రేక్షకులు మాత్రం అల్లు అర్జున్ పెర్ఫార్మెన్స్ చూడటానికే థియేటర్లకు వస్తారనేది వాస్తవం. పుష్ప సినిమాతో గ్లోబల్ లెవెల్లో గుర్తింపు తెచ్చుకున్న బన్నీని అట్లీ ఎలా చూపిస్తారా అనే క్యూరియాసిటీ అందిరిలోనూ ఉంది. సినిమా నిడివి ఎంత ఉన్నా.. అట్లీ తన స్టైలిష్ టేకింగ్తో ప్రతి పాత్రకు న్యాయం చేస్తాడని మెజారిటీ ప్రేక్షకులు నమ్ముతున్నారు. ప్రస్తుతానికి ఈ వార్తలపై చిత్ర బృందం నుంచి అధికారిక ప్రకటన రావాల్సి ఉంది. ఒకవేళ ఇదే నిజమైతే ఇండియన్ బాక్సాఫీస్ వద్ద రికార్డుల సునామీ సృష్టించడం ఖాయం.
Click it and Unblock the Notifications
Sign in with Google