ఇంట్లో ఒంటరిగా ఉంటే.. ఈ హారర్ సినిమాలు మాత్రం చూడొద్దు!
ఊహించని మలుపులు, అడుగడుగునా భయపెట్టే సన్నివేశాలతో సాగే హారర్ సినిమాలను ఇష్టపడే ప్రేక్షకులు ఎప్పుడూ ఉంటారు. ఓటీటీ వేదికల రాకతో వివిధ భాషల్లోని అత్యుత్తమ హారర్ చిత్రాలను ఇంట్లోనే కూర్చుని చూసే అవకాశం లభించింది. అయితే, కొన్ని సినిమాలను ఒంటరిగా చూడాలంటే మాత్రం కాస్త గుండె ధైర్యం ఉండాల్సిందే. ప్రస్తుతం ప్రముఖ ఓటీటీ ప్లాట్‌ఫామ్స్‌లో స్ట్రీమింగ్ అవుతూ ప్రేక్షకులను తీవ్రంగా భయపెడుతున్న ఆరు అద్భుతమైన హారర్, మిస్టరీ చిత్రాల వివరాలు తెలుసుకుందాం.
సైతాన్
అజయ్ దేవగణ్, జ్యోతిక, ఆర్. మాధవన్ ప్రధాన పాత్రల్లో నటించిన ఈ సూపర్ నేచురల్ హారర్ థ్రిల్లర్ ప్రేక్షకులను సీటు అంచున కూర్చోబెడుతుంది. క్షుద్రశక్తుల నేపథ్యంలో సాగే ఈ చిత్రం ప్రస్తుతం నెట్‌ఫ్లిక్స్ వేదికగా స్ట్రీమింగ్ అవుతోంది.
భూత్ పార్ట్ 1
ది హాంటెడ్ షిప్ బాలీవుడ్ నటుడు విక్కీ కౌశల్ ప్రధాన పాత్రలో నటించిన ఈ చిత్రం ఒక పాడుబడిన ఓడ చుట్టూ తిరుగుతుంది. ఒళ్లు గగుర్పొడిచే సన్నివేశాలతో సాగే ఈ సినిమా అమెజాన్ ప్రైమ్ వీడియోలో అందుబాటులో ఉంది.
పరి
అనుష్క శర్మ అత్యంత భయానకమైన పాత్రలో నటించి మెప్పించిన హారర్ మిస్టరీ చిత్రమిది. సాధారణ దెయ్యాల సినిమాలకు భిన్నంగా సాగే ఈ సినిమాను అమెజాన్ ప్రైమ్ వీడియోలో వీక్షించవచ్చు.
బుల్ బుల్
'యానిమల్' ఫేమ్ త్రిప్తి డిమ్రి ప్రధాన పాత్రలో నటించిన పీరియాడిక్ సూపర్ నేచురల్ థ్రిల్లర్ ఇది. అద్భుతమైన విజువల్స్, భయపెట్టే కథనంతో సాగే ఈ చిత్రం నెట్‌ఫ్లిక్స్ లో స్ట్రీమింగ్ అవుతోంది.
1920: హారర్స్ ఆఫ్ ది హార్ట్
'చిన్నారి పెళ్లికూతురు' సీరియల్‌తో తెలుగు ప్రేక్షకులకు సుపరిచితురాలైన అవికా గోర్ ఈ చిత్రంలో ప్రధాన పాత్ర పోషించారు. ఆత్మలు, ప్రతీకారం నేపథ్యంలో సాగే ఈ సినిమా డిస్నీ+ హాట్‌స్టార్ లో అందుబాటులో ఉంది.
రాత్ అకేలీ హై
నవాజుద్దీన్ సిద్ధిఖీ, రాధికా ఆప్టే నటించిన ఈ క్రైమ్ మిస్టరీ థ్రిల్లర్ ఆద్యంతం ఉత్కంఠభరితంగా సాగుతుంది. ఒక హత్య కేసు వెనుక ఉన్న చీకటి రహస్యాలను ఛేదించే ఈ చిత్రాన్ని నెట్‌ఫ్లిక్స్ లో చూడవచ్చు.
Click it and Unblock the Notifications
Sign in with Google
