టాప్ హీరో, ఫేమస్ నిర్మాత లొల్లి, డీకే ఎంట్రీతో శ్యాండిల్ వుడ్ షాక్, ఏం జరుగుతుందో, ఏమైపోతుందో !

కన్నడ చిత్ర పరిశ్రమలో సినిమాల కంటే ఎక్కువ హాట్ టాపిక్ లో ఉన్న మ్యాటర్ ఏమిటంటే హీరో దర్శన్, ప్రముఖ నిర్మాత ఉమాపతి శ్రీనివాస్ మధ్య గొడవ. ఇద్దరి మధ్య మాటల యుద్ధం నడుస్తోంది. ఈ కేసులో నటుడు దర్శన్‌పై వరుస ఫిర్యాదులు పోలీస్ స్టేషన్‌కు చేరుకున్నాయి. ఈ సమయంలో వీరిద్దరి పోరుకు కర్ణాటక డీసీఎం డీకే శివకుమార్ అడ్డుకట్ట వేస్తారా? అన్న ఉత్సుకత నెలకొంది.

కాటేరా 50 రోజులు పూర్తి చేసుకున్న నేపథ్యంలో జరిగిన ఓ కార్యక్రమంలో ఆ సినిమా హీరో దర్శన్ శ్యాండిల్ వుడ్ ప్రముఖ నిర్మాత ఉమాపతిపై విరుచుకుపడ్డారు. నిర్మాత ఉమాపతిపై తీవ్ర ఆగ్రహం వ్యక్తం చేసిన హీరో దర్శన్ ఆయన మీద విరుచుకుపడ్డారు. కాటేరా 50 రోజుల వేడుక సందర్బంగా ఏర్పాటు చేసిన విజయోత్సవ వేడుకలకు హాజరు అయిన చాలా మంది ప్రముఖులు హీరో దర్శన్ వ్యాఖ్యలతో షాక్ అయ్యారు.

హీరో దర్శన్ చేసిన ఈ ప్రకటన దుమారం రేపగా, నిర్మాత ఉమాపతి శ్రీనివాస్ గౌడ్ వరుస ప్రకటనలు ఇస్తున్నారు. అదే సమయంలో సినీ నిర్మాత ఉమాపతి శ్రీనివాస్ డీసీఎం డీకే శివకుమార్‌ను కలిశారు. ఇదే సమయంలో హీరో దర్శన్, నిర్మాత ఉమాపతి విషయంలో కర్ణాటక డీసీఎం డీకే శివకుమార్ ఎంట్రీ గ్యారెంటీ శ్యాండిల్ వుడ్ కు చెందిన కొందరు ప్రముఖులు అంటున్నారు.

బెంగళూరులో డీసీఎం డీకే శివకుమార్ పాల్గొన్న కార్యక్రమంలో నిర్మాత ఉమాపతి శ్రీనివాస్ కూడా పాల్గొన్నారు. ఈ సమయంలో నిర్మాత ఉమాపతి డీకే శివకుమార్ దగ్గరకు వెళ్లి ఇటీవల హీరో దర్శన్ తన మీద చేస్తున్న వ్యాఖ్యల విషయంలో తాను కలత చెందుతున్నానని డీకే శివకుమార్‌ వద్ద ప్రస్తావించినట్లు సమాచారం. సమావేశం అనంతరం నిర్మాత ఉమాపతి మీడియాతో మాట్లాడుతూ డీకే శివకుమార్ తో తాను కొన్ని వ్యక్తిగత విషయాలు మాట్లాడానని చెప్పారు.

హీరో దర్శన్ చేస్తున్న ఆరోపణల విషయంలో డీకే శివకుమార్ జోక్యం చేసుకునే అవకాశం ఉందని నిర్మాత ఉమాపతి హింట్ ఇచ్చారు. కాటేరా సినిమాతో శ్యాండిల్ వుడ్ ఇండస్ట్రీకి భారీ హిట్ ఇచ్చిన హీరో దర్శన్ ఇదే సమయంలో ప్రముఖ నిర్మాత ఉమాపతిని నోటికి వచ్చినట్లు తిట్టి ఆరోపణలు మూటకట్టుకున్నారు. ఈ వివాదం ఎంతవరకు వెలుతుందో తెలియడం లేదని శ్యాండిల్ వుడ్ కు చెందిన కొందరు ప్రముఖులు అంటున్నారు. ఇదే సమయంలో కర్ణాటక డీసీఎం డీకే శివకుమార్ ఎంట్రీ ఇవ్వడంతో ఈ వివాదానికి చెక్ పడే అవాకశం ఉందని తెలిసింది.

English summary

It is reported that DCM DK Shivakumar will make an entry in the matter of famous hero Darshan and producer Umapati's quarrel. For some time now, the conflict between hero Darshan and producer Umapathy has been going on in Sandlewood.