స్టార్ హీరోకు చెమటలు, హత్య కేసులో కీలక వీడియో సాక్షం, మొబైల్ లో షేర్ చేసి ?

చిత్రదుర్గ నివాసి రేణుకాస్వామి హత్యకేసుకు సంబంధించి కన్నడ స్టార్ హీరో దర్శన్‌కు చిక్కులు ఎదురైనాయి. బెంగళూరులోని పట్టనగెరె నివాసి వినయ్‌ మొబైల్‌ ఫోన్‌లో కీలక ఆధారాలను పోలీసులు స్వాధీనం చేసుకున్నారు. ఈ ఫోన్ లోని సాక్షాలు హీరో దర్శన్ తో పాటు అతని గ్యాంగ్‌కు తీవ్ర ఇబ్బందులు తెచ్చి పెట్టే అవకాశం ఉందని తెలిసింది. బెంగళూరులోని పట్టనగెరెలో దొరికిన వినయ్ మొబైల్ ఫోన్ లోని ఆధారాలను పోలీసులు కోర్టుకు తెలిపారు.

అయితే ఈ ఆధారాలతో వినయ్‌ని ప్రశ్నించాల్సి ఉందని పోలీసు అధికారులు తెలిపారు.పట్టనగెరేలో వినయ్ మొబైల్ ఫోన్‌లో చాలా ముఖ్యమైన ఆధారం లభించాయని సమాచారం. దానిని పంపిన వ్యక్తిని వినయ్ సమక్షంలో విచారించాల్సి ఉంది. అందువల్ల వినయ్‌ను పోలీసు కస్టడీకి తీసుకోవాలని కేసు దర్యాప్తు చేస్తున్న పోలీసు అధికారులు కోర్టును కోరారు. ఈ పిటిషన్‌ను అంగీకరించిన కోర్టు వినయ్ ని పోలీసు కస్టడీకి పంపించింది.

బెంగళూరు నగరంలోని పట్టనగెరె షెడ్‌లో దాడి తర్వాత రేణుకాస్వామి భౌతికదాడి లేదా మరణానికి సంబంధించిన వీడియోను వినయ్‌కి దర్శన్ సహచరులు పంపినట్లు చెబుతున్నారు. అయితే దాడికి సంబంధించిన వీడియో మాత్రం లభ్యం కాలేదని సీనియర్ పోలీసు అధికారులు స్పష్టం చేశారు. ఇలా వినయ్ మొబైల్‌లో దొరికిన ఓ వీడియో సాక్ష్యంపై హీరో దర్శన్ కేసులో క్యూరియాసిటీ నెలకొంది.

రేణుకాస్వామి హత్య కేసులో మొత్తం 17 మంది అరెస్టు అయ్యారు. హీరో దర్శన్, ఆయన గర్ల్ ఫ్రెండ్, నటి పవిత్ర గౌడ తదితరులు ఈ హత్య కేసులో ఉన్నారు. ఇప్పటికే నటి పవిత్రా గౌడతో సహ 12 మందిని బెంగళూరులోని పరప్పన అగ్రహార సెంట్రల్ జైలుకు పంపించారు. హీరో దర్శన్ తో పాటు మరో నలుగురు వ్యక్తులను పోలీసులు కస్టడీలోకి తీసుకుని విచారణ చేస్తున్నారు. ఇప్పుడు వినయ్ అనే వ్యక్తి మొబైల్ ఫోన్ లోని సాక్షం కూడా పోలీసులకు చిక్కడంతో కథ రసవత్తంగా మారింది.

English summary

The police said that the evidence against the Darshan gang, which was arrested in the murder case, was caught in the mobile phone,