సోనియా హామీతో 'చిరు' ఉత్సాహం
అయితే, మంత్రి పదవులపై కాంగ్రెస్ పెట్టుకున్న నియమాన్ని తమ విషయంలోనూ సడలిస్తారా? అన్న సందిగ్ధంలోనూ వారు ఉన్నట్లుగా కనిపిస్తోంది. పాత విధానాన్నే కొనసాగిస్తే ఎమ్మెల్సీ రామచంద్రయ్య, మరో ముగ్గురు ఎమ్మెల్యేలకు మాత్రమే అవకాశం ఉంటుంది. కొత్త ఎమ్మెల్యేలకు తెలంగాణ, బీసీ కోటాల్లో పదవి ఆశిస్తున్న అనిల్కు ఆశాభంగం తప్పదు. మరోవైపు ఆయన జిల్లాకే చెందిన పిసిసి మాజీ చీఫ్ డి శ్రీనివాస్ ఎమ్మెల్సీ అవడం మంత్రి పదవి రేసులో ఆయనా ఉండటం సమస్యగా మారింది. కష్టకాలంలో పార్టీని విలీనం చేసి అండగా నిలబడినందున ఆ నిబంధన తమకు వర్తించకపోవచ్చునని కొత్తగా ఎన్నికైనవారు భావిస్తున్నారు.
ఈ నేపథ్యంలో పార్టీ ఆవిర్భావానికి ముందు నుంచీ చిరంజీవితో సాన్నిహిత్యం ఉన్న కన్నబాబు కూడా తన వంతు ప్రయత్నం చేసుకుంటున్నారు. ఆదిలాబాద్ జిల్లా నుంచి ప్రాతినిధ్యం లేకపోవడంతో మహేశ్వర్ రెడ్డి కూడా ఆశతోనే ఉన్నారు. అయితే సీనియర్లు రామచంద్రయ్య, గంటా ప్రధానంగా రేసులో ఉన్నట్లు తెలుస్తోంది. కాగా తన స్థాయికి తగిన హోదా కల్పిస్తామంటూ సోనియా చెప్పినట్లు చిరంజీవి వెల్లడించడం సర్వత్రా చర్చనీయాంశమైంది. రాబోయే పదవిని బట్టి పార్టీలో ఆయన హోదా ఏమిటో తేలుతుందన్న సంకేతం ప్రజల్లోకి వెళ్లిందన్నారు.
Click it and Unblock the Notifications
Sign in with Google