చిరంజీవి టెంపో తగ్గుతోందా?

చిరంజీవి తన పార్టీ గురించి ప్రకటించిన సమావేశం మెగా సక్సెస్ అయినప్పటికీ, ఈ రెండు మూడు రోజుల్లోనే డల్ టాక్ విన్పిస్తోంది. బలమైన మీడియా ఇటు వైఎస్ వైపు, అటు చంద్రబాబు నాయుడు వైపు ఉండడంతో చిరంజీవి పార్టీ అధికారంలోకి రాలేదన్న వాయిస్ మీడియాలో విన్పిస్తోంది. ప్రత్యేకమైన బోగీలో హైదరాబాద్ నుంచి తిరుపతికి మీడియా ప్రతినిధులను తీసుకెళ్ళిన చిరంజీవి మనుషులు, మీడియా ప్రతినిధులకు సరైన సౌకర్యాలు ఏర్పాటు చేయలేదన్న విమర్శలు వచ్చాయి.

అయితే మీడియా ప్రతిసారీ ప్రజాభిప్రాయాన్ని ప్రతిబింబించదు. మీడియా ప్రతినిధులు కూడా మనుషులే. వారి బలాలు, బలహీనతలు వారికి ఉంటాయి. అయినా పవన్ కళ్యాణ్ నిన్న చిరు పార్టీ ఆఫీసులో మీడియా ప్రతినిధులకు సారీ చెప్పి, తిరుపతి సమావేశంలో మీడీయా ప్రతినిధులకు జరిగిన అసౌకర్యాలను ఒక పుస్తకంలో రాసుకోవడం చెప్పుకోదగిన విషయమే. అయితే ఎవరూవిర్రవీగకూడదు. రాజకీయ నాయకులైనా, మీడీయా ప్రతినిధులైనా ఈ విషయాన్ని గుర్తుంచుకోవాలి. నాలుగు ఎస్టేట్ లకు సంబంధించిన బాధ్యతాయుత వ్యక్తులు ఇక మీదట ఇంకా బాధ్యతాయుతంగా వ్యవహరించాల్సిన విషయం విశాలమైన ప్రజా ప్రయోజనాల రీత్యా చాలా అవసరం. ఈ అభిప్రాయాన్ని మీ మిత్రులతో పంచుకోండి, వారితో చర్చించండి