చిరంజీవి పార్టీ.. మరిన్ని విశేషాలు....

ఓపెన్ గా రాజకీయాల్లోకి వచ్చిన చిరంజీవి ఈ సారి తన పుట్టినరోజు వేడుకలను వినూత్నంగా జరుపుకోనున్నారు. చిరంజీవి సేవాభావం గురించి మొదటినుంచి రాస్తున్న దట్స్ తెలుగు డాట్ కాం కొన్ని విషయాలను తెలివైన తమ విజిటర్లకు చెప్పాలనుకుంటోంది. ఈ విషయంలో మా పోర్టల్ ది నిస్పాక్షిక ధోరణి. కుళ్ళిపోయిన రాజకీయాల్లోకి ఎవరో ఒకరు వచ్చి బాగు చేస్తారన్న మంచి ఆశావహ ధోరణే మాది కూడా.

చిరంజీవి ప్రతి ఏడాది తన జన్మదినం రోజున తాను హైదరాబాద్ లో ఉండడం లేదని ఒకటి రెండు రోజుల ముందు చెప్పడం, అయినా ఆయన ఇక్కడే ఉండడం చాలా కొద్ది మందికి మాత్రమే తెలుసు. ఆయన ఈ తరంలో గొప్పవాడు కాబట్టి అభిమానులు వచ్చేసి ఎక్కడ "అతి" ప్రదర్శిస్తారోనని ఆయన భయం. నిజంగా అతి అభిమానం ఎవరి వ్యక్తిగత జీవితాలకైనా ఇబ్బంది కరమే.

ఇప్పుడిప్పుడే చిరంజీవి సామాన్యూల తో సినిమా ఫక్కీలో అయినా అభిమానంగా మాట్లాడూతున్నారు. దానికి ఆ రెండు పెద్ద పత్రికల్లో మంచి ఆదరణ కనిపిస్తోంది. సామాజిక సేవా దృక్పథంతో రాజకీయాల్లోకి వచ్చిన చిరంజీవి వల్ల సమాజంలో ఏమాత్రం మంచి మార్పు వస్తుందని మనం నమ్ముతున్నా మంచి హృదయంతో ఆహ్వానిద్దాం. చిరులో ఏ మాత్రం చేదు ఉన్నా మనం మంచి మనసుతో వేలెత్తి చూపుదాం, ఇదంతా మెరుగైన సమాజం కోసమే. ఈ ఆర్టికల్ ను మీ మిత్రులతో పంచుకుని మంచి సమాజం కోసం మీ వంతు సహకారాన్ని అందించండి.