చిరంజీవి రాజకీయ దర్శకులు

హైదరాబాద్: మెగాస్టార్ చిరంజీవి రాజకీయాలకు ఇద్దరు ప్రముఖ దర్శకులు తెర వెనక దర్శకత్వం వహిస్తున్నారు. మెగాస్టార్ రాజకీయ ప్రచారానికి ఈ ఇద్దరు షార్ట్ యాడ్ ఫిల్మ్స్ రూపొందిస్తున్నారట. ఇద్దరు దర్శకుల్లో ఒక్కరు హీరో పాత్రను తీర్చిదిద్దడంలో, హిట్లు కొట్టడంలో, రికార్డులు సృష్టించడంలో పేరు మోసినవారు. చిరంజీవి షార్ట్ ఫిల్మ్ రూపకల్పనకు ఈయన బ్యాంగ్ కాక్ లో, గోవాలో పరిశోధనలు చేస్తున్నారు.

మరో దర్శకుడు గతంలో విప్లవ సినిమాలు తీసినవారు. ఇటీవల చిరంజీవి తలపెట్టిన సినిమాకు దర్శకుడిగా ఈయనే పేరే ప్రముఖంగా వినిపించింది. ఈ దర్శకులు ఇప్పటికే చిరంజీవి ప్రచారం కోసం ఏడు పాటలను రికార్డు చేశారట. వీడియోలు కూడా తీశారట. పాటలను నాగబాబుతో తప్ప మిగతా చిరంజీవి కుటుంబ సభ్యులందరితో కలిసి పనిచేసిన యువకవి రాశారని సమాచారం.