ఖైరతాబాద్ నుంచి జయప్రకాష్?

లోక్ సత్తా అధినేత జయ ప్రకాష్ నారాయణ ప్రత్యక్ష ఎన్నికల్లో పోటీ చేస్తారా? అంత సత్తా ఆయనకు ఉందా అన్నది ఇప్పుడు సర్వత్రా విన్పిస్తున్న మాట. జెపి హైదరాబాద్ లోని ఖైరతాబాద్ అసెంబ్లీ స్ధానం నుంచి పోటీ చేస్తారన్నది తాజా సమాచారం. పేరుకి ఖైరతాబాద్ నియోజకవర్గమైనా ఆంధ్రా సెటిలర్స్ ఎక్కువగా ఉన్న వందలాది కాలనీలు ఈ నియోజకవర్గం పరిధిలో ఉన్నాయి. మరీ ముఖ్యంగా కుకట్ పల్లి పరిసర ప్రాంతాల్లో జెపికి ఎక్కువగా ఫాలోయింగ్ ఉంది.

గత ఉప ఎన్నికలో కటారి శ్రీనివాసరావును లోక్ సత్తా అభ్యర్ధిగా నిలబెట్టగా ఆయనకు డిపాజిట్ దక్కడం విశేషం. ఇతర చోట్ల లోక్ సత్తాకు డిపాజిట్లు దక్కలేదు. మాకున్న సమాచారం ప్రకారం జయప్రకాష్ ప్రత్యక్ష ఎన్నికల్లో పోటీ చేసేటంత సాహసం చేయరు. ఆయన చెబుతున్న ధన రహిత రాజకీయాలు రావాలంటే మరో వంద జన్మలు ఎత్తాల్సిందే.