కెసిఆర్ కుమారుడి ఆంధ్రా కనెక్షన్ పై మోహన్ బాబు....

ఇప్పుడు రెండు పార్టీల మధ్య గోడ మీద పిల్లిలా ఉన్న మోహన్ బాబుకు ఇప్పుడు కోతికి కొబ్బరి కాయ దొరికినట్టు సమైక్యాంధ్ర నినాదం దొరికింది. వైఎస్ ఉన్నప్పుడే కాంగ్రెస్ లో చేరదామనుకున్నారాయన. కానీ ఆయన మరణించడంతో మోహన్ బాబు బెర్త్ కన్ ఫర్మ్ కాలేదు. తెలుగుదేశం పార్టీలో తిరిగి చేరడానికి ఆయన ప్రయత్నించారు కానీ అందుకు చంద్రబాబు నాయుడు సుముఖంగా లేనట్టు తెలిసింది.

ఇప్పుడు మోహన్ బాబు కెసిఆర్ కుమారుడు కెటీఅర్ ఆంధ్రా లింక్ ను ఎక్స్ పోజ్ చేయడానికి ప్రయత్నిస్తున్నారు. ఏ టీవీ చానల్ వారు పిలిచినా ఈసారి ఈ బాంబు పేల్చాలని ఆయన అనుకుంటున్నారట. ఆంధ్రా యాజమాన్యంలోని ప్రదీప్ కన్ స్ట్రక్షన్స్ లో కెటిఆర్ కు వాటా ఉందన్న విషయాన్ని మోహన్ బాబు వెల్లడించదలచుకున్నారు. ప్రదీప్ యజమానులకు, కెటిఆర్ కు విదేశాల్లో ఉన్నప్పుడే స్నేహ సంబంధాలు ఉన్నట్టు తెలిసింది. ప్రాంతాలు వేరైనంత మాత్రాన వ్యాపార బాంధవ్యాలు ఉండకూడదా అన్నది చర్చనీయాంశం కానుంది. మరో వైపు మోహన్ బాబు మహిళలను చిన్న చూపు చూస్తూ ఎక్కువగా మాట్లాడుతున్నారన్నది మరో ఆరోపణ. ఇవనీ త్వరలో ఏ చానల్ లో నైనా చర్చకు రావచ్చు.