నన్నపనేని శారీ హౌస్

గుంటూరులో ఒక హోటల్ లో నన్నపనేని రాజకుమారి శారీ హౌస్ పెట్టారు. ఆమె వ్యాపారపరంగా అది ప్రారంభించలేదు. తాను కొనుక్కున్నా కట్టుకోలేకపోయిన చీరలను అమ్మకానికి పెట్టారు. 500 నుంచి 15 వేల వరకు చీరలు అక్కడ ప్రదర్శనకు ఉన్నాయి. చీరకడితే రాజకుమారిలాగా కట్టాలని చాలా మంది అనుకుంటూ ఉంటారు. రాజకుమారి అందంగా లేకపోయినా చీరల వల్ల ఆకర్షణీయంగా ఉంటారు. అరవయ్యేళ్ళు దాటినా ఆమె ఆకర్షణీయంగా కనబడడానికి ఆ చీర కట్టే కారణమని చెప్పవచ్చు.

తెలుగుదేశం పార్టీ అధికారంలోకి వస్తే రాజకుమారి మంత్రి అయి ఉండేవారు. ఆ అవకాశం మరో ఐదేళ్ళ వరకు లేదు. అప్పటికి రెడ్డి ఎవరో చౌదరి ఎవరో తెలియదు. అందుకని రాజకుమారి గారు టెస్ట్ కేస్ గా చీరల దుకాణం పెట్టుకున్నారు. రాజకుమారి టేస్ట్ తెలిసిన వారు కళ్ళు మూసుకుని ఆ చీరలు కొనుక్కుంటున్నారట. ఆ దుకాణం సక్సెస్ అయితే నన్నపనేని సిస్టర్స్ (చందన బ్రదర్స్ లాగా) అనే చైన్ బట్టల షాపులు వచ్చినా ఆశ్చర్యం లేదు.