బొత్సకు క్లాస్ పీకిన ఆజాద్

By Pratap

Published: Monday, October 10, 2011, 11:07 [IST]

కాంగ్రెసు ఆంధ్రప్రదేశ్ వ్యవహారాల ఇంచార్జీ గులాం నబీ ఆజాద్ పిసిసి అధ్యక్షుడు బొత్స సత్యనారాయణకు క్లాస్ పీకారట. తెలంగాణ అంశం, సకల జనుల సమ్మెపై ఆజాద్ ఆదివారంనాడు బొత్స సత్యనారాయణతో చర్చలు జరిపారు. దాదాపు 45 నిమిషాల పాటు జరిగిన చర్చల్లో రాష్ట్ర వ్యవహారాలు సుదీర్ఘంగా చర్చలు వచ్చినట్లు సమాచారం. ఇదే సమయంలో బొత్సపై ఆజాద్ కాస్తా మండిపడినట్లు తెలుస్తోంది. ముఖ్యమంత్రి కిరణ్ కుమార్ రెడ్డితో సమన్వయ లోపం పట్ల ఆయన బొత్సకు క్లాస్ తీసుకున్నట్లు తెలుస్తోంది.

పాలనావ్యవహారాల్లో ముఖ్యమంత్రితో పొసగకపోవడాన్ని కూడా ఆజాద్ ఎత్తి చూపినట్లు చెబుతున్నారు. కిరణ్ కుమార్ రెడ్డికి, బొత్సకు మధ్య పడడం లేదని ఇటీవలి కాలంలో జోరుగా ప్రచారం జరిగింది. పరస్పరం అధిష్టానానికి ఫిర్యాదు చేసుకున్నట్లు కూడా వార్తలు వచ్చాయి. ఈ నేపథ్యంలోనే ఆజాద్ బొత్సతో ప్రత్యేకంగా మాట్లాడినట్లు తెలుస్తోంది.

Published On October 10, 2011