గాలికి మరో దెబ్బ, భూమి వెనక్కి?

మంత్రి పదవి పోయి అయ్యో రామచంద్రా అంటున్న బిజెపి నాయకుడు గాలి జనార్దన్ రెడ్డికి మరో దెబ్బ తగులబోతోంది. ఆయన సామ్రాజ్యం క్రమంగా బీటలు వారుతోందా అనే అనుమానాలు తలెత్తుతున్నాయి. ఆంధ్రప్రదేశ్‌లోని కడప జిల్లాలో అప్పటి వైయస్ రాజశేఖర రెడ్డి ప్రభుత్వం బ్రాహ్మణి స్టీల్స్ స్థాపనకు కేటాయించిన భూమిని వెనక్కి తీసుకునేందుకు రాష్ట్ర ప్రభుత్వం చర్యలు చేపట్టింది.

కడప జిల్లా జమ్మలమడుగు సమీపంలో గాలి జనార్దన్ రెడ్డికి బ్రాహ్మణి స్టీల్స్ స్థాపనకు వైయస్సార్ ప్రభుత్వం 10,670 ఎకరాల భూమిని కేటాయించింది. దానికి వాడుకోవడానికి అనంతపురం జిల్లా ఓబుళాపురంలో ఇనుప ఖనిజాలను కూడా కేటాయించింది. ఈ భూములను వెనక్కి తీసుకోవడానికి రాష్ట్ర పరిశ్రమల శాఖ న్యాయశాఖ అధిరాకుల సలహాను కోరింది. న్యాయశాఖ అభిప్రాయం రాగానే పరిశ్రమల శాఖ చర్యలు తీసుకుంటుంది. అయితే, ఈలోగా బ్రాహ్మణి స్టీల్స్ కోసం కేటాయించిన గనుల ద్వారా గాలి జనార్దన్ రెడ్డి ఎంతో లాభపడ్డారని లోకం కోడై కూస్తోంది.

English summary

AP state Government has decided to take over lands allocated to Gali Janardhan Reddy's Brahmani steels.