'శివ'తాండవం వెనుక జగన్ ఉన్నారా?

ప్రజారాజ్యం పార్టీ వ్యవస్థాపక అధ్యక్షుడు చిరంజీవిపై కేంద్ర మాజీ మంత్రి శివశంకర్ చేస్తున్న ఆరోపణల వెనుక ఉన్నది మాజీ పార్లమెంటు సభ్యుడు వైఎస్ జగన్మోహన్ రెడ్డేనా. పీఆర్పీ సీనియర్ నాయకురాలు వాసిరెడ్డి పద్మ శనివారం శివశంకర్ వెనుకు ఓ యువనేత ముసలోల్లను ఆడిస్తున్నాడని ఆరోపించింది. ఆమె ఆరోపించిన వ్యక్తి జగనేనా అనేది అందరి మదిలో మొదులుతున్నది. ఏఐసిసి అధ్యక్షురాలు సోనియాగాంధీపైన ఆ పార్టీ సీనియర్ నాయకుడు వెంకటస్వామి, చిరంజీవిపైన శివశంకర్ ఆరోపణల వెనుకు ఆమె చెప్పిన యువనేత జగన్‌గానే పలువురు భావిస్తున్నారు.

ప్రభుత్వం పటిష్టతకు కాంగ్రెస్, పీఆర్పీ దోస్తీని జీర్ణించుకోలేని జగన్ సీనియర్లచే ఈ ఆరోపణలు చేయిస్తున్నట్టుగా భావిస్తున్నారు. పీఆర్పీలో శివశంకర్ ఉన్నప్పుడు ఆయన తన తనయుడు కలిసి తెలంగాణలో టిక్కెట్లు అమ్ముకున్నారా అని ఆమె ప్రశ్నించింది. కాంగ్రెస్ పార్టీనుండి గెంటి వేస్తే బయటకు వచ్చిన శివశంకర్‌ను పీఆర్పీ అధ్యక్షుడు చిరంజీవి చేరదీశారన్నారు. చేరదీసిన వ్యక్తినే ఇప్పుడు శివశంకర్ దెబ్బతీసేందుకు ప్రయత్నాలు చేస్తున్నారన్నారు.