ఓదార్పునకూ వైయస్ విజయమ్మ రెడీ?

By Pratap

Published: Thursday, August 18, 2011, 9:53 [IST]

సిబిఐ దాడులు నేపథ్యంలో ఎప్పుడు ఏమైనా జరగవచ్చుననే ఉద్దేశంతో వైయస్సార్ కాంగ్రెసు పార్టీని ముందుకు నడిపేందుకు వైయస్ జగన్ తల్లి, పులివెందుల శాసనసభ్యురాలు వైయస్ విజయమ్మ రెడీ అయినట్లు చెబుతున్నారు. సిబిఐ కేసు వల్ల జగన్ అనుకోని పరిస్థితిలో చిక్కుకుంటే పార్టీ మూలన పడకూడదని, విజయమ్మను ముందు పెట్టి నడిపించాలని వైయస్సార్ కాంగ్రెసు పార్టీ నాయకులు అనుకుంటున్నారు.

వైయస్ జగన్‌ను అరెస్టు చేస్తే ప్రజల్లో సానుభూతి పెరుగుతుందని, ఈ స్థితిలో వైయస్ విజయమ్మ ప్రజల్లోకి వస్తే వైయస్సార్ సతీమణిగా ఆమెపై అభిమానం మరింత పెరుగుతుందని అంటున్నారు. కాంగ్రెసు పార్టీని రెండు సార్లు అధికారంలోకి తెచ్చిన తన భర్తను కోల్పోయానని, ఆ పార్టీ పెద్దలే తన కుమారుడిని ఇబ్బందులు పెడుతున్నారని ఆమె ప్రజల్లోకి వెళ్లే అవకాశాలున్నాయని అంటున్నారు. జగన్ ఓదార్పు యాత్ర నిర్వహించలేకపోతే దాన్ని కొనసాగించడానికి కూడా ఆమె సిద్ధపడినట్లు చెబుతున్నారు.

Published On August 18, 2011