సచిన్ అసంతృప్తి: ఔట్‌పై వివాదం, సీట్లు ఖాళీ

కోల్‌కతా: మాస్టర్ బ్లాస్టర్ సచిన్ టెండూల్కర్‌ ఔట్‌కు అంపైర్ తీసుకున్న నిర్ణయం వివాదంగా మారే అవకాశం ఉంది. షేన్ షిల్లింగ్‌ఫోర్డు బౌలింగులో ఎల్బీడబ్ల్యుగా సచిన్ అవుట్‌కు అంపైర్ నిర్ణయం తీసుకున్నాడు. అయితే, బంతి ప్యాడ్స్‌పైన ఎత్తులో ఉందని, అంపైర్ నిర్ణయం సరైంది కాదని అంటున్నారు.

అంపైర్ నిర్ణయంతో సచిన్ టెండూల్కర్ కూడా అసంతృప్తికి గురైనట్లు తెలుస్తోంది. సచిన్ టెండూల్కర్ వెస్టిండీస్‌తో జరుగుతున్న మ్యాచులో షిల్లింగ్‌ఫోర్డు బౌలింగులో పది పరుగుల వ్యక్తిగత స్కోరు వద్ద అవుటయ్యాడు. సచిన్ జెర్సీ నెంబర్ కూడా పదే కావడం విశేషం.

గురువారం ఉదయం సచిన్ టెండూల్కర్ బ్యాటింగ్‌కు దిగినప్పుడు ప్రేక్షకులు పలచగా ఉన్నారు. చాలా సీట్లు ఖాళీగా కనిపించాయి. ఇది కూడా సచిన్ మూడ్‌ను దెబ్బ తీసినట్లే ఉంది. మురళీ విజయ్ అవుటైన తర్వాత సచిన్ టెండూల్కర్ గురువారం ఉదయం 9 గంటల 39 నిమిషాలకు బ్యాటింగ్‌కు దిగాడు. ప్రేక్షకులు అతనికి కరతాళ ధ్వనులతో స్వాగతం పలికారు.

వెస్టిండీస్‌తో జరుగుతున్న తొలి టెస్టు మ్యాచ్‌లో సచిన్ కోసం తొలి రోజు బుధవారం చేసిన హంగామా రెండో రోజు గురువారం కనిపించలేదు.

English summary

A disappointing end to Tendulkar's innings as he is LBW to Shillingford. Sachin was given a controversial decision as the ball seems to have hit high above the pads. Sachin was unhappy with the decision. Sachin falls for 10, a coincidence as his jersey no is also 10.