కోట్లాది ఏళ్ల నాటి రహస్యాలు బయటకి.. ‘డైనో ప్రపంచం’లోకి నారా దేవాన్ష్..
నారా-నందమూరి కుటుంబ మూడో తరం వారసుడు, ఆంధ్రప్రదేశ్ మంత్రి నారా లోకేష్ తండ్రి వారసత్వాన్ని రాజకీయాల్లోనో లేదా వ్యాపారాల్లోనో చూపిస్తాడనుకుంటే.. అందరినీ ఆశ్చర్యపరుస్తూ పూర్తిగా భిన్నమైన, అత్యంత ఆసక్తికరమైన క్రేజీ సబ్జెక్ట్తో ప్రేక్షకుల ముందుకు వచ్చాడు. కోట్లాది సంవత్సరాల క్రితం భూమిని ఏలిన డైనోసార్లు, అంతరించిపోయిన ప్రాచీన జీవుల రహస్యాలను ప్రపంచానికి పరిచయం చేయడానికి నారా దేవాన్ష్ సరికొత్త అవతారమెత్తాడు. Dino Deets పేరుతో దేవాన్ష్ ఒక సరికొత్త యూట్యూబ్ ఛానల్, పాడ్కాస్ట్ను అధికారికంగా ప్రారంభించాడు. ఈ అద్భుతమైన డిజిటల్ ప్రయాణాన్ని మొదలుపెట్టిన దేవాన్ష్కు నారా-నందమూరి కుటుంబ సభ్యులంతా ప్రత్యేకంగా అభినందనలు, శుభాకాంక్షలు తెలిపారు.
దేవాన్ష్ ప్రారంభించిన ఈ సరికొత్త సాహసానికి సంబంధించిన ప్రోమో/టీజర్ ఇప్పుడు సోషల్ మీడియాలో విపరీతంగా వైరల్ అవుతోంది. ఈ Dino Deets ఇంట్రో టీజర్లో తండ్రి, మంత్రి నారా లోకేష్ కూడా భాగస్వామ్యం కావడం విశేషం. దేవాన్ష్ క్రియేట్ చేస్తున్న ఈ డిజిటల్ కంటెంట్ ప్రత్యేకతలు ఏంటి? అసలు ఈ పాడ్కాస్ట్ ద్వారా ఏం చెప్పబోతున్నాడు? అనే ఆసక్తికరమైన విషయాలను నారా లోకేష్ స్వయంగా తనయుడిని అడిగి తెలుసుకున్నారు. ఒక తండ్రిగా లోకేష్ తనయుడి ఆలోచనలను ప్రోత్సహించిన తీరు అందరినీ ఆకట్టుకుంటోంది.
#DinoDeets #DevaanshPodcast
— Lokesh Nara (@naralokesh) May 17, 2026
Woke up this morning… slightly confused 😄
The room was suddenly filled with dinosaurs… dinosaur books, dinosaur paintings, dinosaur toys everywhere. I was wondering what exactly was going on.
Then Devaansh revealed the reason.
🦖 INTRODUCING:… pic.twitter.com/AUTX9QMGd8
నవ్విస్తూ.. ఆలోచింపజేసే 'డైనోసార్ల' వింతలు
చిన్న వయసులోనే సైన్స్, హిస్టరీపై అపారమైన పట్టు సాధించిన దేవాన్ష్.. డైనోసార్లు, భూగర్భంలో దొరికే శిలాజాలు (fossils), పురాతన అవశేషాల గురించి తాను తెలుసుకున్న విస్తుపోయే నిజాలను ఈ ఛానల్ ద్వారా పంచుకోనున్నాడు. కేవలం సమాచారాన్ని చదివి వినిపించడం కాకుండా.. డైనోసార్ల వింతలు-విశేషాలను ఎంతో ఆకట్టుకునే శైలిలో, నవ్విస్తూ, అదే సమయంలో ఆలోచింపజేసేలా దేవాన్ష్ తన పాడ్కాస్ట్లలో వివరించనున్నాడు. దీనిపై నారా లోకేష్ ఉద్విగ్నంగా స్పందిస్తూ.. "దేవాన్ష్ సృష్టించిన ఈ ప్రాచీన ప్రపంచంలోకి (Ancient World) నేను కూడా ఒక సాధారణ ప్రేక్షకుడిలా ప్రవేశించేందుకు ఎంతో ఆసక్తిగా ఎదురుచూస్తున్నాను" అంటూ సోషల్ మీడియా ద్వారా తన ఆనందాన్ని పంచుకున్నారు.
'వరల్డ్ బుక్ ఆఫ్ రికార్డ్స్' విజేత.. ఈ దేవాన్ష్!
యూట్యూబర్ కంటే ముందు దేవాన్ష్ మేధస్సుకు అంతర్జాతీయ స్థాయిలో గుర్తింపు ఉంది. చదరంగం (Chess) లో అత్యంత క్లిష్టమైన 175 పజిల్స్ను అత్యంత వేగంగా పరిష్కరించడం ద్వారా 'ఫాస్టెస్ట్ చెక్మేట్ సాల్వర్' (Fastest Checkmate Solver) గా దేవాన్ష్ ఇప్పటికే 'వరల్డ్ బుక్ ఆఫ్ రికార్డ్స్' లో తన పేరును లిఖించుకున్నాడు. ప్రసిద్ధ '5334 ప్రాబ్లమ్స్ అండ్ గేమ్స్' పుస్తకంలోని అత్యంత సంక్లిష్టమైన చెక్మేట్ పజిల్స్ను గతేడాది దేవాన్ష్ కనురెప్పపాటు వేగంతో సాల్వ్ చేసి ఈ అరుదైన రికార్డును సొంతం చేసుకున్నాడు. అంతటి ఏకాగ్రత, మేధస్సు ఉన్న దేవాన్ష్.. ఇప్పుడు డిజిటల్ ప్రపంచంలో సరికొత్త హిస్టరీ క్రియేట్ చేయడానికి సిద్ధమయ్యాడు.
దేవాన్ష్ అందిస్తున్న ఈ విజ్ఞాన భరితమైన, ఆసక్తికరమైన డైనోసార్ల ప్రపంచాన్ని చూడాలనుకునే వారు ఈ కింది అధికారిక సోషల్ మీడియా లింక్స్ ద్వారా ఫాలో అవ్వవచ్చు:
YouTube - https://youtube.com/@dinodeets
Instagram - https://www.instagram.com/dinodeets/
Facebook - https://www.facebook.com/DinoDeets/
Click it and Unblock the Notifications
Sign in with Google