సీటు బెల్ట్ పెట్టుకోకుండా డ్రైవ్ చేసిందని ఆఫీస్ గోడకు నిలబెట్టి..

సీటు బెల్టు పెట్టుకోకుండా వచ్చిందని ఓ మహిళా ఉద్యోగికి ఆమె బాస్ వినూత్న శిక్షను వేశాడు. ఈ సంఘటన బీజింగ్‌లో చోటు చేసుకుంది.

బీజింగ్: సీటు బెల్టు పెట్టుకోకుండా వచ్చిందని ఓ మహిళా ఉద్యోగికి ఆమె బాస్ వినూత్న శిక్షను వేశాడు. ఈ సంఘటన బీజింగ్‌లో చోటు చేసుకుంది.

బీజింగ్‌లో తన కింద పనిచేసే ఉద్యోగిని కారులో సీట్ బెల్టు పెట్టుకోకుండా ఆఫీసుకు వచ్చిందని ఆరోపిస్తూ ఆమెకు వినూత్నంగా శిక్ష వేసిన ఫోటోలు ఇప్పుడు ఇంటర్నెట్లో హల్ చల్ చేస్తున్నాయి.

బాస్ వేసిన శిక్షను కొందరు మెచ్చుకుంటున్నారు. చాలామంది మాత్రం విమర్శిస్తున్నారు.

ఓ మహిళ విధులకు హాజరయ్యేందుకు కారులో కార్యాలయానికి వచ్చింది. లోపలకు వచ్చి ఎప్పటి మాదిరిగానే సహచర ఉద్యోగులతో మాట్లాడుతూ విధుల్లో మునిగిపోయింది.

ఇంతలో ఆమె బాస్ అక్కడకు వచ్చి, ఆమెను పిలిచారు. ఆమె కారులో సీటు బెల్టు పెట్టుకోకుండా డ్రైవ్ చేస్తూ ఆఫీస్‌కు వచ్చిన వీడియోను చూపించారు. అంతేకాదు ఆమెకు శిక్ష వేశాడు.

ఆఫీస్‌లో సహోద్యోగుల ముందు గోడకు ఆనుకొని నిలబడాలని ఆదేశించాడు. ఎటూ కదలకుండా ప్లాస్టర్ వేశాడు. ఆఫీస్ టైం ముగిసే వరకు అలాగే ఉంచాడు.

English summary

This Woman Was Taped To A Wall In Her Office For Driving Without A Seat Belt To Work.