Blue light: మీ పిల్లలు కంప్యూటర్స్, మొబైల్ స్క్రీన్స్ అతిగా చూస్తున్నారా? కొత్త పరిశోధనలో విస్తుపోయే విషయాలు
Screen time problems: విపరీతంగా అభివృద్ధి చెందుతున్న టెక్నాలజీ, సోషల్ మీడియా వినియోగం వల్ల ప్రజలు ఎక్కువగా స్క్రీన్లకు అతుక్కుపోతున్నారు. కంప్యూటర్, మొబైల్ వంటి సాధనం ఏదైనా వాటి స్క్రీన్ల నుంచి వెలువడే బ్లూ లైట్ ఆరోగ్యానికి చాలా ప్రమాదకరం అని వైద్యులు హెచ్చరిస్తున్నారు. అయితే ఇది చిన్నపిల్లలలో మరిన్ని దుష్ప్రభావాలకు కారణమవుతుందని తాజాగా నిర్వహించిన ఓ సర్వేలో వెల్లడైంది.
చిన్న వయస్సు నుంచే పిల్లలు ఎక్కువగా స్క్రీన్ చూస్తుంటే వారు ఓ భారీ ప్రమాదం బారిన పడే అవకాశం ఉందని ఎలుకలపై తాజాగా జరిపిన ఓ అధ్యయనం పేర్కొంది. స్మార్ట్ఫోన్లు లేదా టాబ్లెట్ల నుంచి వెలువడే బ్లూ లైట్కు ఎక్కువ కాలం అలవాటుపడితే వారిలో త్వరగా యుక్తవయస్సు వచ్చే అవకాశం ఉందని చెబుతూ ఆ రిపోర్ట్ షాక్ ఇచ్చింది. లివర్పూల్లోని 62వ వార్షిక యూరోపియన్ సొసైటీ ఫర్ పీడియాట్రిక్ ఎండోక్రినాలజీ మీటింగ్లో ఈ పరిశోధన వివరాలు రిలీజ్ అయ్యాయి.
కంప్యూటర్, మొబైల్స్ స్క్రీన్ల నుంచి వచ్చే బ్లూ లైట్ వల్ల పిల్లల్లో ఎముకల పెరుగుదల వేగవంతం అవుతుందని అధ్యయనంలో తేలింది. తద్వారా సాధారణంగా కంటే ముందే చిన్నారులలో యుక్తవయస్సు ప్రారంభమయ్యే ప్రమాదం పెరుగుతుందని పరిశోధన నివేదిక వెల్లడించింది. ఇది పిల్లలలో ఎముకల పెరుగుదల మరియు యుక్తవయస్సు అభివృద్ధి మధ్య సంబంధాన్ని అన్వేషించిన మొదటి రీసెర్చ్గా టర్కీలోని గాజీ విశ్వవిద్యాలయానికి చెందిన ప్రధాన పరిశోధకుడు డాక్టర్ అయ్లిన్ ఉగుర్లు చెబుతున్నారు.
'ఈ పరిశోధనలు ఎలుకలపై నిర్వహించబడినందున పిల్లలలో పునరావృతమవుతాయని ఖచ్చితంగా చెప్పలేము. అయితే ఎక్కువ కాలం బ్లూ లైట్ని చూడటం వల్ల శారీరక పెరుగుదల మరియు పరిపక్వత రెండూ వేగవంతం అవుతాయి. ఇది త్వరగా యుక్తవయస్సు ప్రారంభ అయ్యేందుకు దారితీస్తుందని మా డేటా సూచిస్తుంది' అని ఉగుర్లు స్పష్టం చేశారు.
Click it and Unblock the Notifications
Sign in with Google