భక్తులిచ్చే కానుకలతో వ్యాపారమా!

హైదరాబాద్‌ః ఆలయాల నిధులతో పబ్బం గడుపుకోవాలనే ఆలోచనకు స్వస్తి చెప్పాలని తెలుగుదేశం ప్రభుత్వానికి
మిత్రపక్షమైన బిజెపి హితవు చెప్పింది. హిందూ ఆలయాల నిధులతో ఓ బ్యాంక్‌ ను ఏర్పాటు చేయనున్నట్లు దేవాదాయ శాఖ మంత్రి దండుశివరామరాజు కొద్దిరోజుల కిందట చేసిన ప్రకటన వివాదాస్పదంగా మారింది. దేనితోనైనా వ్యాపారం చేయెచ్చుకానీ భక్తులు హుండీలో వేసే కానుకలతో వ్యాపారం పనికిరాదని, రాష్ట్రప్రభుత్వం వద్ద డబ్బు లేకపోతే గోదావరిలో భక్తులు విసిరే చిల్లర ఏరుకొని బతకాలని బిజెపి శాసనసభా పక్ష నాయకుడు ఇంద్రసేనారెడ్డి సోమవారం విలేకరుల సమావేశంలో ఎద్దేవా చేశారు.

వేరే మతాలకు చెందిన వారికి ప్రభుత్వం కోట్లాది రూపాయలు కేటాయిస్తుందని హిందూ ఆలయాల నిధులను మాత్రం ఇతరఅవసరాలకు మళ్ళించడం ఎంతవరకు సమంజసం అని ఆయన ప్రశ్నించారు. తిరుమల తిరుపతి దేవస్థానం నిధుల వినియోగంపైశ్వేతపత్రం ప్రకటించాల్సిందిగా ఆయన డిమాండ్‌ చేశారు. రాష్ట్రంలోనిఅర్చకుల సంక్షేమంపై గొప్పలు చెప్పుకుంటున్నారే తప్ప చేస్తున్నది మాత్రం శూన్యం అనేవిమర్శలు వున్నాయి. ఆలయాల అభివృద్ధికంటే హుండీలోని డబ్బుపైనే ప్రభుత్వం ఆసక్తి చూపుతున్నదనిఅర్చకుల సంఘాలు విమర్శిస్తున్నాయి.