జనం నడ్డివిరిచే చర్యలు తథ్యం

న్యూఢిల్లీః ఈ సారి బడ్జెట్‌ సమావేశాలు అత్యంత ఉత్కంఠను రేకెత్తిస్తున్నాయి. రైల్వే మంత్రి, ఆర్ధిక మంత్రి పోటాపోటీగా జనం నడ్డీవిరిచే చర్యలను ఈ బడ్జెట్‌ సమావేశాల్లో ప్రతిపాదించే అవకాశం వున్నది. రైల్వే బడ్జెట్‌ కఠినంగా వుంటుందని రైల్వే మంత్రి ముందుగానే హెచ్చరించిన విషయం విదితమే.

సాధారణబడ్జెట్‌లో ఆర్ధిక మంత్రి యశ్వంత్‌ సిన్హా వ్యవసాయ సబ్సిడీల్లో కోత పెట్టడంతో పాటు పొదుపు పథకాలపై వడ్డీ రేట్లను గణనీయంగా తగ్గించే అవకాశం వుంది. పొదుపు పథకాల్లో ఇన్వెస్ట్‌మెంట్లపై పన్ను రాయితీలను కూడా ఎత్తివేసే అవకాశం వున్నదనిఅంటున్నారు. ఉద్యోగులకు ఈ బడ్జెట్‌లో ప్రత్యేక రాయితీలు ఏమీ వుండకపోవచ్చు. ద్రవ్యోల్బణం రేటు కనిష్ట స్థాయి 1.5 శాతానికి పడిపోయిందన్న సాకుతో ఆర్ధిక మంత్రి తీసుకునే చర్యలు సామాన్యుల పాలిట గుదిబండలుగా మారే అవకాశం వుంది. కస్టమ్స్‌,ఎక్సైజ్‌ సుంకాలను ఎంపిక చేసిన విభాగాల్లో తగ్గించే అవకాశం వుంది. గ్యాస్‌, కిరోసిన్‌ పై సబ్సిడీల కోత వల్ల ఈ

రెండు నిత్యావసరాల ధర గణనీయంగే పెరిగే అవకాశం వున్నదనిఅంటున్నారు.